Katulo 1, tradizioz, Katulo poeta erromatarraren poemen artean sailkatutako lehenengoa izan da, baina ez zen nahitaez idatzi zuen lehen poema izan. Kornelio Nepos historialari eta poeta txikiari eskainia da, nahiz eta zenbaiten ustez sarkastikoa den Kronelioren Italiarren historiari buruz egindako lanaren gorespena.
Apaltasuna eta autokonfiantza txandakatzen dira poeman; Katulok bere poesiari gutxiegi" eta "ezdeus" deitzen dio, baina aro bat baino gehiago irautea eskatzen du. Gutxiespen hori nahita egina da ziurrenik; Katulok oso ondo ezagutzen du bere poesiaren kalitatea, bai eta forma probokatzailea ere. Bere lanari "berria" ere deitzen dio; poemak berriki eginak ziren eta, beraz, berriak dira denboran: baina baita berriak ere, latinezko poesia neoterikoaren lehen adibideetako bat delako.