Lamiarrieta jauregia

Wikipedia, Entziklopedia askea
Lamiarrita etxea» orritik birbideratua)
Jump to navigation Jump to search
Lamiarrieta jauregia
Lamiarrieta jauregia 02.jpg
Kokapena
Herrialdea  Euskal Herria
Probintzia  Nafarroa
Herria Arizkun
Koordenatuak 43° 10′ 50″ N, 1° 28′ 37″ W / 43.18043889°N,1.47680556°W / 43.18043889; -1.47680556Koordenatuak: 43° 10′ 50″ N, 1° 28′ 37″ W / 43.18043889°N,1.47680556°W / 43.18043889; -1.47680556

Lamiarrieta jauregia[1] edo Etxeberria eraikuntza barrokoa da, Baztango Lamiarrieta alderdian dagoena, Nafarroa Garaian. Bozate eta Arizkun arteko bidegurutzean dago, Urtsua jauregitik hurbil.

Eraikina[aldatu | aldatu iturburu kodea]

Bloke horizontal bakarreko eraikina da, 30 metro luze eta 15 metro zabal. Pareta zarpiatuak ditu, harlanduak baoetan eta kantoietan, eta lau isurkiko teilatua. Fatxadan arkupe bat dago, zirkuluerdiko zazpi arkuren bidez irekia, eta goiko bi solairuetan beste horrenbeste bao (leihoak eta irtengune gabeko balkoiak, erritmikoki banatuak); sabaian hiru txapitula daude. Harmarriak Done Jakueren gurutzea dauka, Juan Tomas Goienetxe ordena horretako kidea izan baitzen.[2]

Historia[aldatu | aldatu iturburu kodea]

Juan Tomas Goienetxek eraikiarazi zuen 1712-1713 bitartean. Ordokiko Goienetxean 1681ean jaioa, Juan Tomas Goienetxe oso gazterik kokatu zen Madrilen, Juan Goienetxe Gaston osabaren babesean. Gortean Ogasuneko kontulari nagusia eta Mariana Neoburgekoa erreginaren diruzaina izan zen. Aita hil zitzaiolarik, Ordokiko Goienetxea jaso, eta “cabo de armeria” izeneko mailara goratzea lortu zuen; jauregi hori desagerturik dago gaur egun. Etxeberria egiteko Joan Urrutia hargina eta Joan Antonio San Juan lan-maisua hartu zituen.[2] Ondorengo mendeetan Ubillos familiaren eta Erreparadoreen jabetza izan ondoren, jesuiten esku geratu zen.[3]

Erreferentziak[aldatu | aldatu iturburu kodea]

  1. Lamiarrieta jauregia Toponimia Oficial de Navarra, toponimianavarra.tracasa.es . Noiz kontsultatua: 2020-1-14.
  2. a b Casa Echeverría, Arizkun Cátedra de Patrimonio y Arte Navarro, Universidad de Navarra, unav.edu . Noiz kontsultatua: 2019-4-20.
  3. Palacio Lamiarrita Auñamendi Entziklopedia [on line], aunamendi.eusko-ikaskuntza.eus . Noiz kontsultatua: 2019-11-30.

Kanpo estekak[aldatu | aldatu iturburu kodea]