ZumaiaHE23/Proba orria
Basurde-arraina Euskal Herriko kostaldean aurkitzen den arrain mota bat da.
Izena[aldatu | aldatu iturburu kodea]
Arrain honen izen zientifikoa Capros aper da. Capros-ek grezieraz basurde esan nahi du eta aper-ek latinez ere basurde esan nahi du. Izen hau du basurde itxura duelako.
Deskribapena[aldatu | aldatu iturburu kodea]
Buruan begi handiak ditu eta mutur luze xamarra. Luza daitekeen aho bat du, luzatuta dagoenean hodi itxura duena. Erronbo itxurako gorputza du.
Bizkarrean hegats bat du, buztanean beste bat, bularraldean bi eta sabelean beste hainbat.
Kolore arrosa edo laranja du eta gehienetan hiru marra ilun izaten ditu; bat begien atzealdean, bigarrena gorputzaren erdialdean eta azkena buztanaren ondoan.
Batzuetan arrek eta emeek kolore ezberdinak izaten dituzte.
Bizitokia[aldatu | aldatu iturburu kodea]
Ozeano Atlantikoaren ekialdean bizi da, baina mediterraneoan ere aurkitu daiteke.
Hondo arrokatsuetan eta koral artean bizi den arren, hareazko hondoetan aurkitzea ere ohikoa da.
Elikadura[aldatu | aldatu iturburu kodea]
Krustazeo txikietaz elikatzen da. Moluskuak eta zizareak ere jaten ditu.
Ugalketa[aldatu | aldatu iturburu kodea]
Mediterraneoan apirila eta ekaina artean ugaltzen da, baina Ozeano Atlantikoaren iparraldean bi hilabete beranduago izaten da.
Sukaldaritza[aldatu | aldatu iturburu kodea]
Ez du sukaldaritzarako balio, hau da, ohikoena ez jatea da.
