Larraine

Larraine
Zuberoa, Euskal Herria
Larraineko eliza.
Kokapena
Herrialdea	Euskal Herria
Lurraldea	Zuberoa
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Oloroe-Donamaria
Kantonamendua	Euskal Mendialdea
Izen ofiziala	Larrau
Auzapeza	Sébastien Uthurriaga
Posta kodea	64560
INSEE kodea	64316
Herritarra	larraintar
Ezizena	jente karesant, koki handiak eta uhuñak
Geografia
Azalera	126.80
Garaiera	319-2022
Demografia
Biztanleria	197 (2018:  −2)
Dentsitatea	1,51 biztanle/km²
Zahartzea	% 18,48
Ugalkortasuna	‰ 87,1
Ekonomia
Jarduera	% 74,34 (2011)
Desberdintasuna	% 9,71 (2011)
Langabezia	% 0 (2013)
Euskara
Euskaldunak	% 73,36 (2010)
Erabilera	% 45,35 (2011)

Larraine ([laraiɲe]) Zuberoako hego-mendebaldeko udalerri bat da, Basabürüa eskualdekoa.

Geografia

Ingurune naturala

Udalerria bera oso menditsua da, Orhi (2.022m), Belozkarre (1.173m), Salhagaina (1.053m), Barazea (1.893m) mendiak udalerri honen lurraldean daudelarik besteak beste. Zuberoako udalerririk zabalena ere bada bere 126,8 km²-ekin. Bertan daude baita, Holtzarteko arroil famatuak.

Bestela, Larraineko mendateak herria Otsagabiarekin (Nafarroa) lotzen du.

Udalerri mugakideak

Iparraldean Altzai-Altzabeheti-Zunharreta, Lakarri-Arhane-Sarrikotagaine eta Etxebarre dira udalerri mugakideak, ekialdean Ligi-Atherei eta Santa Grazi, mendebaldean Lekunberri eta Mendibe Nafarroa Behereko udalerriak eta hegoaldean, Izaba, Uztarroze eta Otsagabia, Nafarroa Garaian.

Aitona bat eta ume bat palan jokatzen Larraineko pilotalekuan

Etxeak eta Auzoak

• Ekhibegia
• Ekhialtea-Xipi-Pettarra
• Inhurritz
• Buruzieta
• Herri
• Zarzaia
• Urartea
• Belhaudi-Irati

Historia

Historiaurreko aztarnak topatu dira udalerrian eta 1178ko agirietan irakur daitekeen moduan Sauveladeko monasterioak jaso zuen udalerriaren prioretza, Larraineko jaunaren eskutik. Done Jakue bidea egiten ari ziren erromesentzat ospitale bat ere izan zen Erdi-Aroan.

Ekonomia

Laborantza, basogintza, artzaintza eta turismoaren inguruko zerbitzuak dira udalerriko ekonomia jarduera nagusiak

Demografia

Biztanleriaren bilakaera 1793 1800 1806 1821 1831 1836 1841 1846 1851 848 813 751 948 1 004 1 157 1 188 1 235 1 170 1856 1861 1866 1872 1876 1881 1886 1891 1896 1 307 1 190 1 167 1 048 948 886 919 857 861 1901 1906 1911 1921 1926 1931 1936 1946 1954 846 840 790 897 698 615 600 544 458 1962 1968 1975 1982 1990 1999 - - - 450 405 345 298 241 214 - - -

Kultura

Larraineko Beñat Behety (Ahotsak proiekturako)

Euskara

Larrainen Basabürüako euskara da nagusi, zuberotar euskalkiaren aldaera.

Ondasun nabarmenak

Iparraldeko 43. paraleloaren eta Greenwichetik mendebaldera dagoen 1. meridianoaren arteko mozketa-puntua udalerriaren lurretan dago.

Larraineko iturria

Ondare erlijiosoa

San Joan bataiatzailearen eliza monumentu historikoa izendatu zen 2003an. Bere zatirik zaharrenak XII mendekoak dira. Barruan dauden bi objektu ere monumentu historiko bezala klasifikatuta daude: prozesioetarako gurutze bat eta XVI. mendeko Ama Birjina eta umearen zurezko estatua bat.

Larraineko etxea.

Larraintarrak

• Jean-Baptiste Borthiri (1889 - 1974) idazle eta koblakaria.
• Marie Clémence Richard (1830 - 1915) Luis Luziano Bonaparte printzearen emazte eta laguntzailea.
• Louis Ligetx (1901-1940), idazlea eta koblakaria.
• Robert Larrandaburu, alpinista, mendizalea eta mendi gidaria.

Erreferentziak

Euskarazko Wikipedian bada atari bat, gai hau duena: Euskal Wikiatlasa

Kanpo estekak

• Datuak: Q608335
• Multimedia: Larrau
• Liburuak: Euskal Herriko bidaia-gida/Herriz herri/Larraine