Leila Arab

Leila Arab
	; Irudi gehiago
Bizitza
Jaiotza	Londres, 1971 (52/53 urte)
Herrialdea	Iran
Familia
Anai-arrebak	ikusi Roya Arab;
Jarduerak
Jarduerak	musikaria eta disc jockeya
Genero artistikoa	musika elektronikoa; world musica
Musika instrumentua	giltzadia
Diskoetxea	Warp (en)

Leila Arab, edo, besterik gabe, Leila, (Londres, Erresuma Batua, 1971) musika elektroniko britainiarreko artista da, jatorri irandarrekoa. Musikaria, DJ, soinu-ingeniaria, konpositorea, grabazio-artista eta zuzendari artistikoa da. Ezaguna da, besteak beste, Björk abeslari islandiarraren teklatu-jotzailea izateagatik.^[1]

Biografia[aldatu | aldatu iturburu kodea]

Leila Arab Iranen jaio zen, 1971n. Gurasoak, Irango iraultzatik ihesi, Londresen finkatu ziren, 1979an, Leila eta bere bost anai-arrebekin.^[2] Roya Arab ahizpa gazteena da, eta Archive taldeko ahotsa izan zen. Musika aukeratu aurretik, ikus-entzunezko ikasketak egiten zituen, Staffordshireko Unibertsitatean. Lehen-lehenik, eragin anitzeko DJa, Leila hainbat estilotan ibili zen: jazza, hip-hopa, soula eta erritmo bitxiak; gero, musika elektronikorantz bideratu zen, breakbeat hardcorea aurkitu ondoren.^[3]

Lehenik teklatu-jotzaile gisa nabarmendu zen Björken biretan (1993tik aurrera) eta Galliano taldearekin (Phantom kantuan parte hartu zuen 1992an kaleratutako A Joyful Noise Unto The Creator albumean, bibrafonoarekin), eta, gero, Aphex Twineen konplize bihurtu zen, Rephlex etxean Don't Fall Asleep maxi-singlea (urteko single onenen zerrendan Les Inrockuptibles aldizkariaren arabera) eta Like Weather (1998) bere lehen diskoa argitaratu aurretik.^[4]^[5] Album honetan, Donna Paulek, Luca Santuccik eta Roya Arabek parte hartzen dute abesten; hirugarren albumera arte kolaboratzen jarraitu zuten.^[6]

1999an, kontratu bat sinatu zuen XL Recordings marka independentearekin, zeinak banaketa handiagoa bermatu baitzion. Bigarren albuma, Courtesy Of Choice, 2000ren amaieran atera zen.

Konposatzen duen musika estiloa ambient, IDM eta elektronikatik gertu dago, arestian aipatutako beste estilo batzuen nahasketarekin.

2003an, Björkekin elkartu zen Greatest Hits Tour birarako. Grammatix izenarekin (Aliel Bara izena ere hartu zuen, eta bere izena alderantziz irakurria) edo Little Miss Specta izenarekin Björken Medúlla albumeko Where Is The Line abestiko programazioetan parte hartzeko, Mark Bell eta Valgeir Sigurenekin batera, 2004an. Leilak eta Björkek Nameless abestiaren konposizioan kolaboratu zuten Greatest Hits Tour biran. Abesti horri, gero Storm izena eman zioten, 2005ean, Matthew Barneyren Drawing Restraint 9 filmaren jatorrizko bandarako.

Hainbat etiketaren pean eta artista askorekin lan egin ondoren, eta etenaldi luze baten ondoren (zortzi urteko isiltasuna Courtesy Of Choice atera eta gero), Leila 2008an itzuli zen, Blood, Looms and Blooms izeneko albumarekin. 2007an argitaratzea iragarrita zegoena, Warp Records zigilu berrian. Album horretan, Leilak Terry Hall, Martina Topley-Bird eta Seamingekin lan egin zuen, besteak beste, data luzeko kolaboratzaileez gain: Luca Santucci eta Roya Arab.^[7]

2009an Warp20 (Recreated) konpilazioan parte hartu zuen, Drukqs albumeko Aphex Twinen Vordhosn kantuan.

2011n, Underwaters (One for Keni) kanta (Like Weather albumaren hirugarren zatia) Aviosen publizitatea egiteko erabili zen. Urte hartan, Leilak Björk aspaldiko lagunarekin ere egin zuen lan, Biophilia album berrirako, Thunderbolt, Cristallin, Dark Matter eta Virus berregiteko; Sacrifice-ko "beats" berriak gehitzeko, eta Solstice-n estudioko bertsioa Manchesterreko Nazioarteko Jaialdia zuzeneko grabaketa batekin ordezkatzeko.

2011ren amaieran iragarri zuen U&I album berria merkaturatuko zuela 2012ko urtarrilean, Mt. Sims-ekin (Tomorrow, in a Year albumean parte hartu zuena, Planningtorock eta The Knife taldearekin 2010ean).

Diskografia[aldatu | aldatu iturburu kodea]

Albumak[aldatu | aldatu iturburu kodea]

Like Weather^[8], 1998, Rephlex Records; 2020an berritu zuten Modern Love-rako, Thank U Records-i elkartuta^[9]
Courtesy of Choice, 2000, XL Recordings
Blood, Looms and Blooms, 2008, Warp Records
U&I, 2012, Warp Records

EP[aldatu | aldatu iturburu kodea]

Nu Renegade, 2015, Mad Decent

Singleak[aldatu | aldatu iturburu kodea]

Don't Fall Asleep, 1997, Rephlex Records
Feeling, 1998, Rephlex Records
Space Love, 1998, Rephlex Records
Untitled, 1998, Rephlex Records
Heaven on Their Minds, 1998, Rephlex Records
Soda Stream, 1999, XL Recordings
Mettle, 2008, Warp Records
Deflect, 2008, Warp Records
(disappointed cloud) anyway, 2011, Warp Records
welcome to your life (promo), 2012, Warp Records

Remixak[aldatu | aldatu iturburu kodea]

Adamski's Thing - Intravenous Venus, 1998, Nitelite The Club Records (Gramatix izengoitiaren azpian)
Emilie Simon - Desert, 2002, Barclay Records
Sia Furler - Breathe Me / Numb, 2004, Go! Beat Records

Agerpenak, kolaborazioak eta parte-hartzeak[aldatu | aldatu iturburu kodea]

Galliano - A Joyful Noise unto the Creator, 1992, Talkin' Loud (pour sa participation au titre Phantom - vibraphone)
A Tribe Called Quest - Revised Quest for the Seasoned Traveller, 1992, Jive
Björk - Celebrating Wood and Metal, 1997, MTV Music Television
Various - Live from 6A: Conan O'Brien, 1997, Mercury (Human Behaviour kantuan parte hartzeagatik - ahotsa eta teklatuak)
Acacia - Maddening Shroud, 1997, Warner Music UK Ltd.
Nicolette (kantaria) - DJ-Kicks, 1997, Studio !K7
Plaid - Not for Threes, 1997, Warp Records
Jonny L - Magnetic, 1998, XL Recordings (Uneasy kantuan parte hartzeagatik - ahotsa)
Björk - MTV Unplugged & Live, 2001, One Little Indian
Marco Fullone - No Ordinary Chill, 2001, Cool D:vision
Björk - Live at Shepherd’s Bush Empire, 2001, One Little Indian
Björk - Post Live, 2003, One Little Indian Records / Polydor (UK)
Björk - Vessel, 2003, One Little Indian
Björk - Later, 2003, One Little Indian (Hyperballad kantuan parte hartzeagatik - ahotsa eta teklatuak)
Björk - Medúlla, 2004, One Little Indian / Polydor (UK)
Björk - Drawing Restraint 9, 2005, One Little Indian
Various - Arabica, 2005, Apace Music
Nicolette - Life Loves Us, 2005, Early Records
Björk - Biophilia, 2011, One Little Indian