Losae jainkosa

Losa edo Loxa, baskoien jainkosa bat izan zen, Nafarroako lehen mendeetako bost aldaretan aipatzen dena: Gesalazko kontzejua den Leraten aurkitu zen aldarea, Ziraukiko San Roman elizan dagoena, Allotz kontzejuko Burumendin aurkitutakoa, Girgillao udalerriko Argillaritz lekuan aurkitutako eta Ziraukiko Anitz herri hustuan aurkitu zena. Argiñaritzekoan LOXAE forma irakur daiteke, beste guztietan, ordea LOSAE idatzi zuten^[1], edonola ere bere datibo forman. Baliteke, nominatiboan, LOSA edo LOXA izatea.