Lourdes Fernández Fernández

Lourdes Fernández Fernández
Bizitza
Jaiotza	Donostia, 1961 (62/63 urte)
Herrialdea	Gipuzkoa
Hezkuntza
Heziketa	Bartzelonako Unibertsitatea ; Florentziako Unibertsitatea
Jarduerak
Jarduerak	arte-historialaria eta erakusketa-komisarioa

Lourdes Fernández Fernández (Donostia, Gipuzkoa, 1961) arte-historialaria, kultura-kudeatzailea eta komisarioa da.^[1]

Bizitza[aldatu | aldatu iturburu kodea]

Artearen Historian lizentziatua Bartzelonako Unibertsitatean , Museologian eta Arte Kritikan Masterra Florentziako Universitá Internazionale dell 'art izenekoan. Luzeegia litzateke urte hauetan guztietan entzule eta irakasle gisa parte hartu dituen espezializazio-ikastaroak, hitzaldiak, kongresuak eta topaketa espezializatuak zerrendatzea.^[1]

Ibilbidea[aldatu | aldatu iturburu kodea]

30 urte baino gehiagoko ibilbide profesionalean, kulturarekin eta arte garaikidearekin lotutako proiektu garrantzitsuak zuzendu ditu, eta honako hauek nabarmendu behar ditugu:

Bilboko Arte eta Kultura Garaikidearen Azkuna Zentroa/Alhóndiga Bilbaoko zuzendari nagusia (2012-2018). 2010ean ireki zen, eta bere zuzendaritzan zehar nazioarteko proiekzio zabala lortu zen, tokiko testuinguru kultural eta artistikoan (Euskal Herria) errekonozimendua, eta herritarren inplikazio handia ere bai.^[2]

ARCOMadrideko zuzendari nagusia. Arte Garaikidearen Nazioarteko Azoka Madrilen (Espainia) (2005-2010). Bere agintaldian, aldaketa nabarmenak egin ziren azokaren egituran, eta parte hartzen zuten galerien aukeraketa zorrotza ezarri zen, ekitaldiaren kalitatea nabarmen hobetzea ahalbidetu zutenak.

Manifesta 5eko zuzendaria. (2002-2004) Arte Garaikidearen Europako Biurtekoa, bi urtean behin Europako hiri batean egiten dena. 2004an Donostian egin zen, Massimiliano Gioni eta Marta Kuzmaren komisariotzarekin. Azken Manifesta 12 Palermon egin zen 2018an.

DV (Donostia) Galeriako zuzendaria 1994tik 2002ra. Diario Vasco-k sortua, artista gazteak merkaturatzeko eta nazioarteko artea hirian zabaltzeko galeria izan zen.
Arte garaikidean egin duen ibilbide luzean, Lourdes Fernándezek hainbat topaketa koordinatu ditu, mahai-inguruetan parte hartu du, hitzaldiak eman ditu, eta epaimahai eta erakunde ugaritako kide izan da, besteak beste: Sofía Erregina Museo Fundazioaren Patronatuko kidea.^[3] ICOMeko (International Council of Museums) kidea. UNESCO). Arteen Asturiasko Printzea sarietako epaimahai kidea.^[1]
2021ean Bilboko Arte Ederren Museoan, "Womanology: Colección José Ramón Prieto" erakusketa komisariatu zuen.^[4]