María Lecumberri

María Lecumberri
Barañaingo alkatea	; 2019 -
Barañaingo alkatea
Bizitza
Jaiotza	Barañain, 1982 (41/42 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania
Jarduerak
Jarduerak	erizaina
Enplegatzailea(k)	Osasunbidea
Sinesmenak eta ideologia
Alderdi politikoa	Nafar Herriaren Batasuna

María Lecumberri Bonilla^[1] (Barañain, Nafarroa, 1982) UPNko politikaria da, 2019etik Barañaingo alkatea da.

Lecumberri erizaintzako laguntzaile gisa lan egiten du Nafarroako Ospitalean. 2019an alkatetza lortu zuenean UPNren Barañaingo Batzordeko burua da eta 2003tik Udaleko zinegotzi gisa ziharduen.^[2]

Aldaketa asko egon dira alkatetzan azken legealdetan. UPNko Jose Antonio Mendibek zentsura-mozio bidez eta PSNren babesarekin lortu zuen alkatetza 2008an, Nafarroa Baiko Floren Lukiri kenduta. Zazpi urtez izan zuen aginte-makila UPNk, baina 2015eko udal hauteskundeen ondoren, EH Bilduko Oihaneder Indakoetxeari pasatu behar izan zion. Nahiz eta UPN lehen indarra izan, zinegotzi bat gutxiago zuen (6). EH Bilduk (4), berriz, hitzarmena lortu zuen, Geroa Bai (3), Barañainen Parte Hartuz (2) eta Izquierda-Ezkerra/Equorekin (2). Babes horrekin, UPNren eta PSNren oposizioari aurre egiteko moduan zen udal gobernua.^[3] 2019an Oihaneder Indakoetxeak ez zuen kargua berretsi. Koalizio abertzaleko hautagaiak EH Bilduko bost ordezkarien, Geroa Baiko bien eta Podemosen babesa lortu zuen, zortzi boto guztira, 11ren gehiengoa lortzeko nahikoak ez zirenak. Nafarroa Sumak, hauteskundeetan zortzi zinegotzirekin boto gehien jaso zituen indarra, bere hautagaiari eman zion botoa; PSN, berriz, bost zinegotzirekin, bere buruari eman zion botoa. Alkate berria María Lecumberri izan zen.^[4]

Erreferentziak[aldatu | aldatu iturburu kodea]

↑ Euskal herritar horren aukera pertsonala da euskal abizen hori Lecumberri formarekin idaztea. Izan ere, Euskaltzaindiak euskara batuan Lekunberri idatzi behar dela arautu du. Ikus Euskal Onomastikaren Datutegia.
↑ (Gaztelaniaz) «María Lecumberri» UPN : Unión del Pueblo Navarro (Noiz kontsultatua: 2020-03-07).
↑ Senar, Joxerra. «Aldaketaren aldeko erauntsia udaletan» Berria (Noiz kontsultatua: 2020-03-07).
↑ (Gaztelaniaz) Navarra.com. «María Lecumberri (Navarra Suma) arrebata a Bildu el poder en Barañáin, una de sus alcaldías más importantes» Navarra.com (Noiz kontsultatua: 2020-03-07).

Datuak: Q87287881

[1] Euskal herritar horren aukera pertsonala da euskal abizen hori Lecumberri formarekin idaztea. Izan ere, Euskaltzaindiak euskara batuan Lekunberri idatzi behar dela arautu du. Ikus Euskal Onomastikaren Datutegia.

[2] (Gaztelaniaz) «María Lecumberri» UPN : Unión del Pueblo Navarro (Noiz kontsultatua: 2020-03-07).

[3] Senar, Joxerra. «Aldaketaren aldeko erauntsia udaletan» Berria (Noiz kontsultatua: 2020-03-07).

[4] (Gaztelaniaz) Navarra.com. «María Lecumberri (Navarra Suma) arrebata a Bildu el poder en Barañáin, una de sus alcaldías más importantes» Navarra.com (Noiz kontsultatua: 2020-03-07).

[1]

[2]

[3]

[4]