Mark Spitz

Wikipedia, Entziklopedia askea
Jump to navigation Jump to search
Mark Spitz
Mark Spitz.jpg
Bizitza
Izen osoa Mark Andrew Spitz
Jaiotza Modesto (Kalifornia)1950eko otsailaren 10a (69 urte)
Herrialdea  Ameriketako Estatu Batuak
Heriotza  (69 urte)
Hezkuntza
Heziketa Indianako Unibertsitatea Bloomingtonen
Jarduerak
Jarduerak igerilaria
Altuera 1,83 metro
Jasotako sariak
IMDb nm0819156

Mark Spitz (Modesto, 1950eko otsailaren 10a) estatubatuar igerilari ohia da. Urrezko zazpi domina irabazi zituen Municheko Olinpiar Jokoetan, Alemanian, 1972an. Zortzi urterekin hasi zen igeriketa-probetan parte hartzen, familia Sacramentora bizitzera joan zenean. Santa Clarako igeriketa klubeko igerilari azkarrena zen 1964an, eta 1967an bere lehen munduko errekorra hautsi zuen 400 metro askeetan, eta 100 eta 200 metro tximeletan. 1968an, Mexikoko Olinpiar Jokoetan, banakako hiru probetarako eta txandakako beste hainbestetarako sailkatu zen, baina bere ahalmenen azpitik aritu zen: bigarren geratu zen 100 metro tximeletan eta hirugarren 100 metro askean. Txandakako taldearekin, baina, urrezko domina bi irabazi zituen. 1968ko Olinpiar Jokoen ondoren, Indiako Unibertsitatean sartu zen, Jim Counsilmanen esanetara. National Collegiate Athletic Associationeko eta Amateur Athletic Unioneko txapelketa asko irabazi zituen. 1972an 200 metro tximeletako munduko errekorra hautsi zuen Olinpiar Jokoen aurreko probetan. Municheko Olinpiar Jokoetan zazpi probetan parte hartu zuen, eta zazpietan urrezko domina irabazi zuen. Olinpiar Joko batzuetan inoiz irabazi den domina kopururik handiena izan da hori. 100 eta 200 metro tximeletako errekorrak hautsi zituen, eta 200 metro askeetakoa ere bai. Errekorra hautsi zuen halaber 4 x 100 metro askeetan. 1972an erretiratu zen, munduko 32 errekor eta Estatu Batuetako 38 hautsi ondoren. Gaur egun Los Angelesen bizi da bere emaztea (Suzy Weiner) eta bere bi semeekin: Matthew eta Justin.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mark Spitz Aldatu lotura Wikidatan