Marta Rojals

Wikipedia, Entziklopedia askea
Jump to navigation Jump to search
Marta Rojals
Bizitza
Jaiotza La Palma d'Ebre, 1975 (43/44 urte)
Herrialdea  Katalunia
Lehen hizkuntza katalana
Hezkuntza
Heziketa Kataluniako Unibertsitate Politeknikoa
Hizkuntzak katalana
gaztelania
Jarduerak
Jarduerak idazlea eta arkitektoa
Genero artistikoa eleberria

Marta Rojals (La Palma d'Ebre, 1975) katalan idazle, artikulugile eta arkitektoa da. Arkitektura lizentziaduna da Kataluniako Unibertsitate Politeknikoan, teoria, historia eta kritika arloetan espezializatua. Lan egin du arkitektura eremuko aldizkari espezializatuetan, editore eta itzultzaile gisa. Kazetaritza mailan, kolaborazio ugari egin ditu Vilaweb albistegian, Ara egunkarian, eta kultura nahiz turismo esparruko zenbait aldizkaritan[1][2]. Baita ere, Illegal Times[3] aldizkari satirikoan parte hartu du.

Ibilbide profesionala[aldatu | aldatu iturburu kodea]

Bere lehen eleberria, Primavera, estiú, etcètera (Udaberri, uda, eta abar) 2011n argitaratu zuen. Èlia emakume gazte baten bizipenak azaltzen ditu: lanik gabe geldituta, eta egoera sentimental aski korapilatsuan, bikoteak utzi egin duelako, jaioterrira itzultzea erabakitzen du. Han, lasaitasun apur batez, bere burua onera ekarri nahi du, baina haur eta gaztetako oroitzapenak goraki piztuko zaizkio, lehenaz gain bere barruan korapilo gehiago sortzeko. Liburuak bai irakurleen, bai kritikaren harrera oso ona izan zuen Katalunian.

L'altra (Bestea) bigarren eleberriak 2014an ikusi zuen argia. Berriro ere, emakume bat dago fikzioaren erdigunean, barne kalapita gogor bat bizi duena, maitasun istorio samur batez jantzirik. Behin berriro, kritikak ia aho batez onetsi zuen eleberria.

Urte bat geroago, 2015ean, No ens calia estudiar tant (Ez genuen hainbeste ikasi beharrik) artikulu bilduma kaleratu zuen, urrez Vilaweb albistegian argitaratutako iritzi artikuluen bilduma[4].

2018ko udazkenean, El cel no és per a tothom (Zerua ez de guztiontzat) eleberri mardula argitaratu zuen, familia arteko harreman korapilatsuen inguruko hausnarketa literario sakon bat.

Lanak[aldatu | aldatu iturburu kodea]

  • 2011 — Primavera, estiu, etcètera (Bartzelona: La Magrana), ISBN 978-84-8264-966-5
  • 2014 — L'altra (Bartzelona: La Magrana), ISBN 978-84-8264-666-4
  • 2015 — No ens calia estudiar tant (Carcaixent: Sembra), ISBN 978-8494235092
  • 2018 — El cel no és per a tothom (Bartzelona, Anagrama), ISBN 9788433915627

Erreferentziak[aldatu | aldatu iturburu kodea]

  1. (Katalanez) Descobrir, . Noiz kontsultatua: 2018-08-29.
  2. (Katalanez) L'Avenç, . Noiz kontsultatua: 2018-08-29.
  3. (Katalanez) Illegal Times, . Noiz kontsultatua: 2018-08-29.
  4. (Katalanez) «Vull la independència per a llevar-me al matí amb els mateixos maldecaps lingüístics que un ciutadà de Valladolid», Vilaweb, 2015-03-26, . Noiz kontsultatua: 2018-08-29.

Kanpo loturak[aldatu | aldatu iturburu kodea]