María Puy Uitzi
| María Puy Uitzi | |
|---|---|
| Bizitza | |
| Jaiotzako izen-deiturak | María Puy Huici Goñi |
| Jaiotza | Ziritza, 1915eko irailaren 25a |
| Herrialdea |  Nafarroa Garaia, Euskal Herria |
| Heriotza | Iruñea, 2008ko apirilaren 11 (92 urte) |
| Hezkuntza | |
| Heziketa | Zaragozako Unibertsitatea Nafarroako Unibertsitatea |
| Hizkuntzak | gaztelania |
| Jarduerak | |
| Jarduerak | historialaria eta irakaslea |
| Jasotako sariak | ikusi
|
María Puy Uitzi Goñi (Ziritza, 1915eko irailaren 25a - Iruñea, 2008ko apirilaren 11a)[1] euskal irakasle eta historialaria izan zen, Nafarroako historian aditua.
Vianan, Urdanotzen, Zenborainen eta Etxabakoitzen (gero Iruñeko auzo gisa integratutako lekua) klaseak eman ondoren, 46 urte zituela Zaragozako Unibertsitatean doktoretza lortu zuen. Klaseak ematen jarraitu zuen 1980an erretiroa hartu arte.
Biografia
[aldatu | aldatu iturburu kodea]Irakasle lanetan ari zela, Zaragozako Unibertsitatean ikasi zuen Filosofia eta Letren karrera. 1961ean, 46 urte zituela, Historiako doktoretza egin zuen Nafarroako Unibertsitatean, Las Cortes de Navarra durante la Edad Moderna izenburuko tesiarekin.[1] Nicasio Landa Echavaóiz ikastetxean erretiroa hartu ondoren, bere jakin-min nekaezinak medikuntza ikastera eraman zuen, baina bere adinean onartua izatea zaila zenez, ikerketa historikora dedikatzea erabaki zuen. Nafarroako Artxibo Nagusian egindako ikerketei esker, Comptos Ganberaren historiari buruzko hiru liburuki idatzi zituen, eta lan horrek 1995ean erakunde horren Urrezko Domina eman zion.
Hainbat lanetan ere parte hartu zuen (Nafarroako ereserkiari edo Nafarroako Monumentu Historiko eta Artistikoen Batzordeari buruz), eta, bere komunikazioekin, Historiako zenbait kongresutan parte hartu zuen eta dibulgazio-artikuluak ere idatzi zituen.[1]
2001ean, Nafarroako Gobernuak Karlos III.aren Gurutzearekin kondekoratu zuen.[2]
Argitalpenak
[aldatu | aldatu iturburu kodea]- Las Cortes de Navarra durante la Edad Moderna/ Nafarroako Gorteak Aro Modernoan (1963). Madril. RIALP - Vianako Printzea Erakundea - Nafarroako Unibertsitatea.
- El himno de Navarra: Marcha para la entrada del Reyno/ Nafarroako ereserkia: Reyno sartzeko ibilaldia (1987)
- La Cámara de Comptos de Navarra entre 1328-1512 con precedentes desde 1258/ Nafarroako Comptos Ganbera, 1328-1512 bitartean, 1258. urtetik aurrerako aurrekariekin (1988) [3]
- En torno a la conquista de Navarra/ Nafarroaren konkistaren inguruan (1993)[4]
- Relaciones entre Navarra y las Provincias Vascongadas (hoy Euzkadi) a lo largo de la historia/ Nafarroaren eta Euskal Probintzien arteko harremanak (gaur egun Euzkadi) historian zehar (2002)[5]
- Niños y viejos en un mundo cambiante/ Haurrak eta zaharrak mundu aldakor batean (2004).
Erreferentziak
[aldatu | aldatu iturburu kodea]- ↑ a b c Huici Goñi, María Puy
- ↑ (Gaztelaniaz) PAMPLONA, DN. (2008-04-12). «Fallece la historiadora navarra María Puy Huici | Últimas noticias de la actualidad cultural en Diario de Navarra» diariodenavarra.es (Noiz kontsultatua: 2022-04-11).
- ↑ Puy Huici Goñi, María.. (1988). La Cámara de Comptos de Navarra entre 1328-1512, con precedentes desde 1258. Gobierno de Navarra, Departamento de Presidencia e Interior ISBN 84-235-0823-4. PMC 21478333. (Noiz kontsultatua: 2022-04-11).
- ↑ Goñi, María del Puy Huici. (1993). En torno a la conquista de Navarra. ISBN 978-84-604-5434-2. (Noiz kontsultatua: 2022-04-11).
- ↑ Goñi, María del Puy Huici. (2002). Relaciones entre Navarra y las Provincias Vascongadas (hoy Euzkadi) a lo largo de la historia. ISBN 978-84-930682-1-9. (Noiz kontsultatua: 2022-04-11).
