Mikropsia

Wikipedia, Entziklopedia askea
Jump to navigation Jump to search
Mikropsia
Deskribapena
Mota Dysmetropsia
Identifikatzaileak
GNS-10 H53
GNS-9 368.14
MeSH D014786
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Mikropsia ikusmenari eragiten dion gaixotasun bat da, objektuak diren baino txikiagoak ikustarazten duena. Hala ere, ez du zuzenean ikusteko gaitasunean eragiten, baizik eta ikusten ari garen horretan burmuinak egiten duen interpretazioan.

Alice Lurralde Miresgarrian sindromearen ezaugarrietako bat da. Lewis Carrollek sindrome hori pairatzen zuela esaten da eta ondorioz, liburuan bere gaixotasunaren ondorioak kontatzen dituela.

Ezaugarriak[aldatu | aldatu iturburu kodea]

Gaixotasun honen ondorio nagusia gauzak txikiagoak eta urrunagoak ikusten dituzula da; adibidez, txakur bat sagu bat bezala edo auto bat jostailu baten moduko tamainan. “Ikusmen Liluputense” izenez ere ezagutzen da, Jonathan Swiftek asmatutako Liliput herrialdeari erreferentzia eginez.

Sintomak[aldatu | aldatu iturburu kodea]

Mikropsiak hainbat sintomak ditu, baina garrantzitsuenak migraina eta epilepsia dira. Migraina buruko min gogorra eta goragalearekin lotzen da. Gehienetan, gaixotasun hau ume txikietan aurkitu da. Beste sintoma ezagun bat soinuaren distortsioa da, hau da, mugimendu txikiak zarata ikaragarriak bezala hautematen dira. Honen ondorioz, paranoia edota mugimenduei beldurra hartu ahal zaie.

Tratamendua[aldatu | aldatu iturburu kodea]

Sendatu ahal den gaixotasuna da eta ez da kutsakorra. Gainera, arazoak gehienetan gauean azaltzen dira eta medikuen ustez, zentzumenekin zerikusia duen gaixotasuna da.