NK Celje

Nogometni Klub Celje

Ezizena(k)	Grofje ("konteak")
Sorrera	1919
Futbol zelaia	Arena Petrol edukiera: 13.006 lagun inaugurazioa: 2003
Presidentea	Miloš Rovšnik
Entrenatzailea	Roman Pylypchuk
Liga	Esloveniako SuperLiga
2023-24	1.a
Webgunea	www.nk-celje.si
Etxekoa 　 Kanpokoa

NK Celje (izen osoa Nogometni Klub Celje) Esloveniako futbol taldea da, Celje hirikoa. Esloveniako liga eta kopa bana eskuratu ditu.

Historia

Taldea 1919 urtean sortu zen SK Celje izenarekin eta 1946an NK Kladivar izena hartu zuen, "errementaria" eslovenieraz. 1964an Esloveniako Errepublikako liga irabazi eta Jugoslaviako bigarren mailara igo zen.

1992an Eslovenia independientea bihurtu zenean lehen mailan sartu zuten eta 1993 eta 1995ean Kopako finalera iritsi zen baina bietan galtzaile atera zen.

2003an azken unerarte liga irabaztekotan egon zen baina azkenean Maribor nagusitu eta bigarren postuarekin konformatu behar izan zuen. 2005ean Kopa irabaztea lortu zuen finalean Gorica 1-0 garaitzean. Ordutik aurrera Esloveniako puntako taldea izan da eta 2015ean ere bigarren gelditu zen Liga sailkapenean eta kopa final asko jokatu dituen arren denak galdu ditu, azkena 2016an 2-2 berdindu ondoren penalti jaurtiketetan gainditu zuen Mariborrek zazpina penalti bota eta gero.

2020an aurreneko aldiz liga irabaztea lortu zuen.

Palmaresa

Eslovenian: 3

• Esloveniako Liga:
  • Txapelduna (2): 2020, 2024.
  • Bigarrena (2): 2003, 2015.
• Esloveniako Kopa
  • Txapelduna (1): 2005
  • Bigarrena (9): 1993, 1995, 2003, 2006, 2012, 2013, 2015, 2016, 2021

Kanpo estekak

• (Eslovenieraz) Webgune ofiziala

• Datuak: Q31533
• Multimedia: NK Celje / Q31533