Neomak

Neomak
Datuak
Jatorria	Gipuzkoa, Euskal Herria
Musika mota	folk
Urteak	2019 -
Taldekideak
	Eneritz Aulestia; Alaitz Eskudero; Leire Etxezarreta; Irati Gutierrez; Maria Lasa; Amets Ormaetxea; Garazi Otaegi

Neomak musika taldea 2019an sortu zuten folk taldea da, pandero eta perkusiotik abiatu eta abangoardiara jotzen duena, bai estetikoki eta baita musika aldetik ere. Zazpi partaide ditu, haietako hiru arrasatearrak dira^[1] eta gainerakoak Deba, Zarautz, Zizurkil eta Asteasukoak dira.^[2]

Ibilbidea[aldatu | aldatu iturburu kodea]

Trikitilari txapelketatan bikoteka aritu ondoren Kepa Junkeraren Sorginak panderojole taldearen inguruan bildu ziren 2014an. Munduan zehar birak egin zituzten trikitilari bizkaitarrarekin; Washington, Krakovia, Danimarka, Alemania, Frantzia, Portugal, Maroko...^[3] Junkerak 2018an ezbeharra izan zuenean proiektua bertan behera gelditu zen eta zazpi trikitilarik Neomak taldea eratu zuten. COVID-19 pandemiak eraginda proiektu berriak geldialdi bat izan zuen baina egoera normaldu zenetik kontzertu ugari eman dituzte eta 2022an diskoa kaleratu zuten, taldearen izena daramana. "Hamen" eta "Ilargi berriak" izan ziren diskoko singleak^[1].