Norvegiako Alderdi Laborista

Wikipedia, Entziklopedia askea
Jump to navigation Jump to search
Arbeiderpartiet
Idazkari nagusia Jens Stoltenberg
Sorrera 1887
Egoitza nagusia Oslo
Ideologia politikoa Sozialdemokrata, Sozialismo demokratikoa
Nazioarteko afiliazioa Europako Alderdi Sozialista, Internazional Sozialista
www.arbeiderpartiet.no

Alderdi Laborista edo Alderdi Langiletiarra[1] (norvegieraz: Arbeiderpartiet) Norvegiako alderdi politiko sozialdemokrata da. Egun, koalizio gobernuko alderdi handiena da, eta bere buruzagia, Jens Stoltenberg, Norvegiako lehen ministroa da.

Tradizionalki, sozialdemokraziaren printzipioei lotua, 1930eko hamarkadatik aurrera "guztiontzako lanpostuak" izan da bere lelo garrantzitsuena. Ongizate-estatu sendoa bultzatu nahi du, zerga tasa altuetan oinarrituta. Azken 20-30 urteotan, dena den, estatuaren zenbait enpresa pribatizatzearen aldeko jarrera ere erakutsi izan du, baita pixkanaka zergak murriztekoa ere. 1980tik aurrera, bereziki Gro Harlem Brundtlanden gidaritzapean, alderdia eskuineratzen joan zen, alderdi kontserbadoreengana ihes zihoazen botoemaileak mantentzeko asmoz.

1887an sortua, apurka-apurka hazten joan da 1927an Norvegiako alderdi bozkatuena bihurtu arte (gaur egunera arte gorde duen postua). 1945 eta 1961 bitartean gehiengo absolutua izan zuen parlamentuan (Stortinget). Horrela, 1935etik gaur arte, hamasei urteko epea kenduta (1963ko iraila, 1965-1971, 1972-1973, 1981-1986, 1989-1990, 1997-2000 eta 2001-2005) Norvegiako lehen ministro guztiak Alderdi Laboristako kide izan dira. Agintean egon den urte guztietan, gainera, bakarrik gobernatu izan du, 1945eko tarte labur bat (Bigarren Mundu Gerraren osteko egoera kudeatzen hasteko) eta 2005etik honakoa izan ezin. Azken horretan, Zentroko Alderdiarekin eta Ezkerreko Alderdi Sozialistarekin gobernatu du.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Norvegiako Alderdi Laborista Aldatu lotura Wikidatan
  • (Norvegieraz [bokmål]) Arbeiderpartiet - Orrialde ofiziala.
  • (Ingelesez) [1] - Alderdiari buruzko informazioa, ingelesez.