Parálisis Permanente

Wikipedia, Entziklopedia askea
Paralisis Permanente» orritik birbideratua)
Jump to navigation Jump to search
Parálisis Permanente
Datuak
Jatorria Madril
Musika mota punk
Urteak 1981—1983
Produkzioa
Diskoetxea(k) DRO Itzuli
Informazio gehigarria
MusicBrainz 8b4d7237-5ec8-4201-a702-4b95819d3890

Parálisis Permanente 1980. hamarkadako afterpunk estilo barruan kokatzen duten talde espainiarra eta movida madrileña delakoaren soinu ilunaren aitzindaria.

Madrilen sortu zen Alaska y los Pegamoides banatu zenean. LP bakarra atera zuten eta, momenturik hoberenean zeudenean, ezbehar latz batek desegin zuen taldea.

1981ean Alaska y los Pegamoides taldeko kide ohiak ziren Eduardo Benavente gitarra eta ahotsa jarriz eta Nacho Canut baxuan honen anaiarekin elkartu ziren, Johnny Canutekin baterian. Horrela sortu zen Parálisis Permanente iluntasunaren eredu.

Bideo bakarra geratu zaigu: Autosuficiencia

1981eko urrian EP bat grabatu zuten Jaime Urrutiarekin (Gabinete Caligari) eta banatu ziren mila kopiak berehala agortu ziren. Arrakasta haren aurrean, diskoa berriro editatu zuten, azal berri bat emanez.

DRO ziguluak 4 abesti izango dituen EP berri bat grabatzea proposatu zien. Quiero ser Santa eta Un día en Texas bertan izango ziren.

Nacho Canutek taldea utzi zuen eta Dinaramara joan zen. Haren ordea Rafa Balmasedak hartuko zuen, Glutamayo Ye-Ye eta Derribos Ariaseko kide ohia. Aldi berean, Ana Curra hasiko da teklatuetan, Pegamoide ohia bera ere eta Eduardoren andregaia orain.

1982ko uztailean 13 abesti bildu zituzten El Acto LP-n. Erresuma Batuko Joy Division, Killing Joke, The Damned, The Cure... afterpunk edo postpunk deritzon estilora hurbildu ziren, iluntasuna, egoera beldurgarriak... David Bowieren Heroes eta Iggy Popen Quiero ser tu perro ere bertsionatu zituzten.

1983an azken singlea atera zen, Nacidos para dominar.

Urte horretako maiatzaren 14an Leondik Zaragozara zihoan banda, kontzertutik kontzertura. Euria goitik behera, Eduardo, Ana eta Toti zihoazen kotxeak istripua izan zuen Errioxako Alfaro inguruan. Eduardo Benavente segituan hil zen bere 20 urteko bizitza betirako itzalduz. Ana Curra ospitalera eraman zuten eta Totik ez zuen ezer asko izan. Zaragozan berehala jakin zuten albiste malapartatu hura, Alaska y Dinaramak bukatu eta gutxira.

Diskografia[aldatu | aldatu iturburu kodea]

  • Autosuficiencia, Gabinete Caligarirekin batera egindako EPa (1981)
  • Quiero ser santa, EP (1982)
  • El Acto, LP (3 Cipreses, 1982)
  • Nacidos para dominar/Sangre, Single (1983)
  • Singles y primeras grabaciones, LP recopilatorio (DRO, 1995)
  • Grabaciones completas 1981-1983, LP recopilatorio (2001)

Kanpo estekak[aldatu | aldatu iturburu kodea]