Ana Curra

Wikipedia, Entziklopedia askea
Ana Curra
Ana Curra Parálisis Permanente El Acto4.jpg
Bizitza
Jaiotza San Lorenzo de El Escorial1958ko abenduaren 29a (62 urte)
Herrialdea  Espainia
Jarduerak
Jarduerak abeslaria
Musika instrumentua giltzadia
ahotsa
IMDb nm2048767

Ana Curra (El Escorial, 1958ko abenduaren 29a -) movida madrileña delakoan ospea hartu zuen abeslari, teklista eta konpositore espainiarra da.

Ana Isabel Fernandez zuen jatorrizko izena eta, pianoa jotzeaz gain, farmaziako ikasketak egiten hasia zen. Olvido Gara (Alaska) ezagutu zuen Pentagrama aretoan eta 1979an Alaska y los Pegamoideseko teklatuaz arduratuko da. Talde honetan ezagutu zuen Eduardo Benavente, bere bikote izango zena.

Pegamoidek apartatu eta Eduardok Paralisis Permanente sortu zuenean, gonbidatutako artista gisa hartu zuen parte talde berrian, beranduago bere presentzia ohiko bihurtuko zelarik.

1982an lehen maxisinglea grabatu zuen, Los celos se apoderan de mi. Lan honetan berak jarri zituen ahotsa eta teklatuak eta, bere bikotekideak, berriz, gainontzeko instrumentuak jo zituen, koroak egin eta ekoizpenean parte hartzeaz gain.

Nacho Canut Dinaramara alde egin zuenean, Ana erabat integratu zen Paralisis Permanente taldean eta El acto LP-a editatu zutenean (taldearen disko bakarra izan zen), abestien erdiak berak konposatutakoak ziren. Espainiako afterpunk edo postpunk munduan Ana Curraren izena oso ezaguna egin zen.

Baina, ez zuten asko iraun garai onek. 1983ko maiatzaren 14an Leonetik Zaragozara zihoan banda, kontzertutik kontzertura. Euria goitik behera, Eduardo, Ana eta Toti zihoazten kotxeak istripua izan zuen Errioxako Alfaro inguruan. Eduardo Benavente segituan hil zen bere 20 urteko bizitza betirako itzalduz. Ana Curra ospitalera eraman zuten eta Totik ez zuen ezer asko izan. Zaragozan berehala jakin zuten albiste latz hura, Alaska y Dinaramak bere aktuazioa bukatu eta gutxira.

Errekuperatu ondoren, Ana Currak Seres Vacios sortu zuen

1985ean, La Fronteran hartu zuen parte Jose Battagliorekin batera eta 4 maxi atera zituzten: Una noche sin tí, Volveré, Lágrimas y Lágrimas (bertsio instrumentala).

1987an Volviendo a las andadas diskoa editatu zuen eta handik bi single atera ziren: Rien de rien eta En esta tarde gris.

Beste elkarlan batzuk ere egin zituen eta 1989an Alaska y Dinaramarekin Quiero ser santa aurkeztu zuten, Paralisis Permanenteren abestia.

1993an Toti Árbolesi egindako omenaldi batean (gaindosiaz hil zen) kontzertu pare batean hartu zuen parte.

Agertokietatik alde egin badu ere, ez du sekula musika utzi eta piano irakasle da El Escorialeko kontserbatorioan.

Kanpo estekak[aldatu | aldatu iturburu kodea]