Paul Le Flem

Wikipedia, Entziklopedia askea
Jump to navigation Jump to search
Paul Le Flem
Paul Le Flem.JPG
Bizitza
Jaiotza Radon1881eko martxoaren 18a
Herrialdea  Frantzia
Heriotza Tréguier1984ko uztailaren 31 (103 urte)
Hezkuntza
Heziketa Parisko Kontserbatorioa
Parisko Schola Cantorum
Pariseko Letren Fakultatea licence
Hizkuntzak frantsesa
Irakaslea(k) Charles-Marie Widor
Jarduerak
Jarduerak orkestra zuzendaria, musikagilea, musikologoa eta militarra
Enplegatzailea(k) Parisko Schola Cantorum
Jasotako sariak
Mugimendua musika klasikoa
Seiz Breurra
Genero artistikoa opera
Sinfonia
Zerbitzu militarra
Parte hartutako gatazkak Lehen Mundu Gerra

Paul Le Flem (Radon, Orne, 1881ko martxoaren 18a - Tréguier, Côtes d'Armor, 1984ko uztailaren 31) frantses musikagilea izan zen.

Ikasketa orokorrak Dinan eta Bresten egin zituen, itsas eskolan, hain zuzen. Han, ontzidiko musika-zuzendaria zena izan zuen harmoniako irakasle. Ondoren, Parisa joan zen bizitzera, eta 1899. urtetik aurrera harmoniako ikasketak egin zituen Kontserbatorioan. Errusian izan zen hemezortzi hilabetez (1903-1904), kontrapuntua ikasten. Handik Parisa itzuli zen eta Schola Cantorumen sartu zen; 1921ean, kontrapuntuko irakasle izendatu zuten bertan. 1924an abesbatzako zuzendari izan zen Opera Komikoan, eta hurrengo urtean Saint-Gervaiseko kantariena. Kritikari-lanak egin zituen, bestalde, ComSdia (1922-1937), L'Écho de Paris eta Temps présent aldizkarietan. 1935ean, musika modernoko elkarte bat sortu zuen, La Spirale. 1975. urtean itsu geratu zen eta musika idazteari utzi zion. Le Flemen lan sinfonikoek arrakasta handiena izan zuten: lau sinfoniak (1908, 1958, 1967-1971 eta 1975), Hildakoentzat triptikoa (1912) eta Madarikatua ahots eta orkestrarako obra (1967-1971). Kontzertuei dagokienez, Fantasia piano eta orkestrarako (1911) eta Kontzertua biolinerako (1965) dira aipagarrienak. Bestalde, lan labur ugari idatzi zituen: Sonata biolin eta pianorako (1905), Kintetoa piano eta harietarako (1908-1909) eta pianorako hainbat pieza. Ahotsetarako hainbat melodia-ziklo osatu zituen, Aria ahaztuak (1904) eta hainbat koru, a cappella abesteko.

Erreferentziak[aldatu | aldatu iturburu kodea]