Peristilo
Peristiloa, barruti bat inguratzen duen zutabe galeria edo kolomadia da. Erromatar arkitekturan, eraikin publiko edo etxe baten barne patio handia da, zutabe arkupe batek inguratua eta parterre eta iturriekin apaindua dagoena. Peristiloaren inguruan aurkitzen ziren bizilekuko gelarik garrantzitsuenak: exedra, jangela edo triklinioa, eta gainontzeko gelak edo alaeak. Erromatar etxeetako beste barne patioa zen ataritik, tamaina handiagokoa izateagatik, sarreratik urrutiago egoteagatik eta gizarte harrera eta aisialdirako erabiltzeagatik ezberdintzen da. Aldiz, atariak, sarrera eta harreragelaren ondoan zegoenak, gelen arteko banaketa gune funtzioa zuen.