Peter Roberts

Wikipedia, Entziklopedia askea
Jump to navigation Jump to search
Peter Roberts
Bizitza
Jaiotza 1952 (66/67 urte)
Herrialdea  Erresuma Batua
Jarduerak
Jarduerak katedraduna eta idazlea

Peter Roberts, eskoziarra odol-legez eta kultura-ikasbidez, 1952an jaio zen.

1975an Donostia hartu zuen bizileku, eta hizkuntza irakasle aritu zen. Bazuen antzerkirako joera, baina, jakina, hizkuntzak erraztasunik eman ez, eta han hasi behar izan zuen imintzioka, ea keinu-hizkuntzaren bidez ulertzen zuten.

1979, bere konpainia sortu zuen, hitzik gabeko komunikazioak eskaintzen zituen aukerak ikertzeko.

Ez da geldirik egotekoa izan, eta batera ibili da antzerkigintzan eta irakasle-lanetan. Mimo-artea ondo ezagutzen zuenez, Mimo, el arte del silencio liburua idatzi zuen. 1983an argiratu zen eta bigarren edizioa 1991n.

Emaitza politak ekarri ditu irakaskuntzan. Badira urte batzuk Mimo Tailerra zuzentzen ari dela, eta hainbat ikastaro emana da, Hezkuntza eta Zientzia ministeritzak, British Council Institutek, Eusko Jaurlaritzak, unibertsitateek eta beste erakunde publiko batzuek antolaturik, antzezleentzat, irakasleentzat, ikasleentzat eta pantomima eta ilusioaren maitaleentzat.