Rachel Luttrell

Rachel Luttrell
	; Irudi gehiago
Bizitza
Jaiotzako izen-deiturak	Rachel Zawadi Luttrell
Jaiotza	Dar es Salaam, 1971ko urtarrilaren 19a (53 urte)
Herrialdea	Kanada
Familia
Anai-arrebak	ikusi Erica Luttrell;
Hezkuntza
Heziketa	The Royal Conservatory of Music (en)
Jarduerak
Jarduerak	aktorea, zinema aktorea eta telebista-aktorea
	rachelluttrell.com

Rachel Zawadi Luttrell (Dar es Salaam, 1971ko urtarrilaren 19a) Tanzanian jaiotako aktore eta abeslari kanadarra da, Stargate Atlantis telesailean eta honen ondoren sortu zirenetan Teyla Emmagan gerlariaren rola betetzeagatik da ezaguna.

Biografia[aldatu | aldatu iturburu kodea]

Haurtzaroa eta ikasketak[aldatu | aldatu iturburu kodea]

Rachel Luttrell Tanzaniako Dar es Salaam hirian jaio zen. Ama Veronica Makihio Shenkunde Luttrell Shambaa leinukoa du eta aita William Leon Luttrell estatubatuarra. Lau anai-arreba dira eta bost urte zituela familiak Kanadara emigratu zuen, Toronto hirira hain zuzen ere^[1]. Musikazalea zen familia eta aitak Rachelen soprano ahotsa lantzeaz gain piano ikasketak egin zituen Torontoko Erret Kontserbatorioan eta balet ikasketak Balet Klasikoko Errusiar Akademian.

Aktore ibilbidea[aldatu | aldatu iturburu kodea]

Disneyren "Ederra eta Piztia" lanaren Kanadako produkzioan egin zuen debuta eta beste hainbat antzezlanetan ere hartu zuen parte. 1989 eta 1993 artean kanadako telebistako Street Legal telesailean ohiko aktorea izan zen^[1].

Los Angelesera joan zen aktore ibilbidean sakontzeko asmoz eta hainbat telesailetako ataldetan agertu bazen ere, frustratu eta Kaliforniako Unibertsitatean arkitektura ikasketak egiteko izena ematear egon zen baina azkenean Oxforden British American Drama Association akademian udako ikastaro bat egin zuen.

Los Angelesera itzuli zenean Stargate Atlantis telesailerako castingean Teyla Emmagan gerlariaren papera betetzeko aukeratua izan zen^[2]. Bost denboraldi egin zituen protagonista taldearen partaide, telesaila amaitu zen arte. Ordutik aurrera ez du jarraipen handirik izan aktore lanetan.

Musikari ibilbidea[aldatu | aldatu iturburu kodea]

2011. urtean I Wish You Love diskoa argitaratu zuen. Jazz generoko diskoa da^[3].

Bizitza pertsonala[aldatu | aldatu iturburu kodea]

Loyd Batemanekin ezkondu zen eta bi haur izan dituzte. Erica Luttrell ahizpa gaztea ere aktorea da^[4].

Filmografia[aldatu | aldatu iturburu kodea]

Filmeak[aldatu | aldatu iturburu kodea]

Urtea	Filma	Pertsonaia	Oharrak
1986	Courage	Bobbyren alaba	Telefilmea
1992	Personal Effects		laburmetraia
1995	House
1996	Joe's So Mean to Josephine	Tabernako neska
2001	Feast of All Saints	Lisette	Telefilmea
2001	Impostor	Erizaina
2003	Everyday Use	Dee
2004	Stop Thief!	Nicky	laburmetraia
2005	The Aviary	Portia
2007	A Dog's Breakfast	Ratcha
2009	Hardwired	Candace

Telesailak[aldatu | aldatu iturburu kodea]

Urtea	Filma	Pertsonaia	Oharrak
1989-1993	Street Legal	Veronica Beck	20 atal
1992	Forever Knight	Norma Alves	atal bakarra
1993	Maniac Mansion	Lorrie	"Tina and the Teardrops"
1995	The Great Defender	erreportaria	2 atal
1997	Dogs	Mimi	atal bakarra
1997	In the House	Daphne	2 atal
1998	Damon	Brenda	atal bakarra
1998	Sleepwalkers		atal bakarra
2001	Charmed	Janna	"Exit Strategy"
2001	ER	Paramedikoa	atal bakarra
2002	Touched by an Angel	Marla	atal bakarra
2004-2009	Stargate Atlantis	Teyla Emmagan	Protagonista, 99 atal
2011	True Justice	Lt. Humphreys	atal bakarra
2011	NCIS	Stephanie Mosner komandantea	atal bakarra
2013	NCIS: Los Angeles	Yvette Lowell (CIAko agentea)	atal bakarra
2015	No Sleep Till 18	Jill	atal bakarra
2016	Arrow	Rosie	atal bakarra
2018	Girlfriends' Guide to Divorce	Oona Falcone	2 atal
2019	The I-Land	Brooke	atal bakarra