Rebecca Scown
.jpg)
Rebecca Scown (Hāwera, Zeelanda Berria, 1983ko abuztuaren 10a) arraunlari profesionala da. Brontzezko domina irabazi zuen emakumezkoen bikoteetan 2012ko Londresko Olinpiar Jokoetan Juliette Haighekin, eta zilarrezko domina 2016ko Rioko Olinpiar Jokoetan Genevieve Behrentekin[1].
2015eko Munduko Arraun Txapelketan zilarrezko domina lortu zuen, eta Olinpiar Jokoetarako sailkatu zen Zeelanda Berriko emakumezkoen lehen zortzikotea izan zen. Kayla Prattekin bikotea osatu zuen 2013an eta Louise Trappittekin 2014an, Munduko bi Txapelketetan brontzea irabaziz. [2]
Bizitza pertsonala[aldatu | aldatu iturburu kodea]
Sonia Waddell (jaiotzez Scown) arraunlari profesionala bere lehengusina da; bere osaba Alistair Scown da (Waddellen aita)[3]. Whanganui Collegiate School-en ikasi zuen. Eskolaz kanpoko hainbat ekintzatan parte hartu zuen, arrauna izan zen denen artean nabarmenena. Irakasleek potentziala ikusi zioten eta New Zealand Secondary Schools Rowing Regatta for Collegiate-n parte hartzen utzi zioten. Scown Otagoko Unibertsitatean onartu zuten Merkataritza eta Artea ikasteko, eta Marketineko Merkataritzako lizentziatura eta Artearen Historiako lizentziatura osatu zituen iparraldera, Cambridgera, joan aurretik, lanaldi osoko atleta karrera hasteko.
Lizentziatura amaitu zuenetik, Rebeccak Kirol Kudeaketako graduondoko diploma ere lortu zuen[4].
Arraun karrera[aldatu | aldatu iturburu kodea]
Udako oporretan, Scown etxera itzultzen zen Wanganuira eta Rowing New Zealand udako denboraldian lehiatzen zen. 2005ean, azken urtea zuen Unibertsitatean, Rowing New Zealand proba bat jaso zuen eta Zeelanda Berriko quad scull femeninoko kide izendatu zuten Bess Halley, Darnelle Timbs eta Clementine Marshall kideekin batera. Scown eta bere eskifaiako kideak 23 urtetik beherakoen Munduko Txapelketan lehiatu ziren Amsterdamen eta brontzezko domina bat irabazi zuten.[5]
2006an, Scownek Wanganuiko Union Boat Cluberako eta Central Regional Performance Centrerako arraun egin zuen, Karapiro lakuan Zeelanda Berriko Arraun Txapelketetan hainbat postu lortuz[6].
Ondoren, Zeelanda Berriko emakumezkoen arraun taldeko kide izendatu zuten 2006ko Munduko Arraun Txapelketetan lehiatzeko, Etonen (Ingalaterra). Zazpigarren geratu ziren. Urtebete geroago, Scown 2007ko Munduko Arraun Txapelketetan lehiatu zen Munichen (Alemania), Zeelanda Berriko zortzi arraunlariren taldean. Hala ere, Scown eta bere tripulazioa esku hutsik itzuli ziren 9. postuan geratzean.[7]
2008ko Udako Olinpiar Jokoetara joateko lehiaketan parte hartu zuen Zeelanda Berriko taldeko kide izan zen, baina ez zuten lortu klasifikatzerik.
2009. urtean, Zeelanda Berriko Emakumeen Bikotean plaza bat lortzeko aukera izan zuen. Scownek Emma Feathery bere kidearekin batera osatu zuen bikotea, eta Munduko Arraun Kopako bi ekitalditan lehiatu zen, munduko bi kopak irabaziz eta 2009ko Munduko Arraun Kopako lider bihurtuz.
2009an, Munduko Arraun Txapelketetan lehiatu ziren Poznauen (Polonia), eta estropadarik liskartsuenetako batean aurkitu ziren; estropadako lehen hiru tripulazioen artean segundo bakarra egon zen, eta Scown eta Feathery hirugarren geratu ziren, brontzea irabaziz [8].
2010ean, 2004tik 2008ra Zeelanda Berriko emakumezko bikoteko kide izan zen Juliette Haigh itzuli egin zen eta berriro parte hartu zuen proban eta Scownekin bikotea osatuta. Bikotea Arraunketako Munduko Kopako bi ekitalditan lehiatu zen, eta bi finalak eta Munduko Arraun Kopako lidergo-maillotak irabazi zituen, 2010eko azaroan Karapiro lakuan egin ziren 2010eko Munduko Arraun Txapelketetarako faborito bihurtuz [9][10]. Rion ere lehiatu zen lemazainik gabeko parean, eta Genevieve Behrantekin zilarra irabazi zuen, Britainia Handiko Heather Stanning eta Helen Glover txapeldun olinpikoek gaindituta. Behrantek 2016ko azaroan iragarri zuen 2017an atseden bat hartuko zuela, eta, beraz, Scownek arraunlari berri bat beharko zuela. Scownek emakumezkoen zortzikoarekin arraun egin zuen 2017an zehar, eta brontzezko domina bat irabazi zuen 2017ko Munduko Arraun Txapelketetan, Sarasotan, Floridan[11]. Scownek 2017/18ko arraun denboraldia libre hartu zuen, bere karreraren inguruan hausnartzeko.
Txapelketak[aldatu | aldatu iturburu kodea]
| Joku Olinpiarrak | |||
|---|---|---|---|
| Zilarra | 2016 Rio de Janeiro | Cox gabeko bikote | |
| Brontzea | 2012 London | Cox gabeko bikote | |
| Munduko Txapelketak | |||
| Urrea | 2010 Karapiro | Cox gabeko bikote | |
| Urrea | 2011 Bled | Cox gabeko bikote | |
| Zilarra | 2015 Aiguebelette | Zortzikote | |
| Brontzea | 2009 Poznań | Cox gabeko bikote | |
| Brontzea | 2013 Chungju | Cox gabeko bikote | |
| Brontzea | 2014 Amsterdam | Cox gabeko bikote | |
| Brontzea | 2017 Sarasota | Zortzikote | |
Erreferentziak[aldatu | aldatu iturburu kodea]
- ↑ Rio Olympics 2016: Silver for Genevieve Behrent and Rebecca Scown in women's pair. (Noiz kontsultatua: 2021-10-28).
- ↑ «Olympics: Silver for super Scown» NZ Herald (Noiz kontsultatua: 2021-10-28).
- ↑ (Ingelesez) World Rowing Federation. 2021-10-08 (Noiz kontsultatua: 2021-10-28).
- ↑ (Ingelesez) «Storm Uru wins sports crown again» Stuff 2009-10-06 (Noiz kontsultatua: 2021-10-28).
- ↑ «Whanganui Chronicle news - local news, business and sport from the Whanganui region» NZ Herald (Noiz kontsultatua: 2021-10-28).
- ↑ «Kiwi rowers looking for Karapiro gold rush - Story - 3 Sport - 3 News» web.archive.org 2012-09-29 (Noiz kontsultatua: 2021-10-28).
- ↑ «Rowing: Golds pour in for Kiwis» NZ Herald (Noiz kontsultatua: 2021-10-28).
- ↑ «Radio Sport - Just Sport - New Zealand's Sports Network - Other Sports» web.archive.org 2011-09-27 (Noiz kontsultatua: 2021-10-28).
- ↑ (Ingelesez) «Homework looming for bookmakers and punters» Stuff 2010-09-17 (Noiz kontsultatua: 2021-10-28).
- ↑ (Ingelesez) «New Zealand eights surge into Olympic medal contention at world champs» Stuff 2015-09-07 (Noiz kontsultatua: 2021-10-28).
- ↑ «Rowing pair Hamish Bond and Eric Murray put golden partnership on hold» NZ Herald (Noiz kontsultatua: 2021-10-28).