Rossignolgo gudua

Rossignolgo gudua
	Lehen Mundu Gerra
	Mendebaldeko frontea
Data	1914ko abuztuaren 22a
Lekua	Rossignol - Tintigny, Belgika
Koordenatuak	49°43′02″N 5°29′17″E / 49.7172°N 5.4881°E
Emaitza	Alemaniar garaipena
Gudulariak
Alemania	Frantzia
Buruzagiak
Kurt von Pritzelwitz	Jules Lefèvre
Indarra
VI. Armada-gorputza	Armada Koloniala
Galerak
3.473 - 3.984	11.388

Rossignolgo gudua (1914ko abuztuaren 22a), Lehen Mundu Gerrako Mendebaldeko Fronteko Mugen guduaren parte izan zen, alemaniar eta frantziar armaden artean. Alemanen Belgikako inbasioari aurre egiteko, Schlieffen Plana jarraituz, Joseph Joffre komandanteburu frantsesak alemaniar frontearen erdialdea erasotzeko agindua eman zuen. Armada Koloniala eta 2. Armada-gorputza, biak 4. Armadaren parte, erasoa garatuko zuten. Alemaniarrek, aldi berean, V. Armada hegoalderantz biratu zuten, Belgikatik Frantziako mugarantz. Frantziar Armada Koloniala Neufchâteau aldera abiatu zen, hurbilen zeuden indar alemanak zenbait egunetan urrunduko zirelakoan.

Infanteria Kolonialeko 3. Dibisioko elementu aurreratuek (Léon Amédée François Raffenelen aginpean) Rossignoletik iparraldera zeuden alemaniar zalditeriarekin talka egin zuten, eta laster alemaniarren defentsa-posizio indartsu baten aurrean aurkitu ziren. Baso trinkoetan zehar baioneta kargak garatu ondoren tropa frantsesak Rossignoleraino abiatu ziren, hegoalderantz. Alemaniako XI. eta XII. dibisioek bi hegalak inguratu zituzten eta oraindik martxan zegoen Koloniako Armadaren zati bat erasotu zuten. Frantziako 2. Armada-gorputza atzeratuta eta laguntzarik eskaini ezinik, Alemaniako artilleriak Breuvanneko zubia suntsitu zuen. Zubia Rossignolgo 3. dibisio koloniala indartzeko bide bakarra zen. Germaniarrek, orduan, herrixkan geratutako frantsesak garaitu zituzten, eta gainerako tropa kolonialek defentsa postuetara egin zuten atzera.^[1]

Alemaniarrek frantziar Hirugarren Dibisio Koloniala indar bezala suntsitu zuten, 10.520 hildako inguru izan zituelarik. Raffenel jenerala hil zuten, baita Charles Rondony ere, bere brigadako komandanteetako bat; Charles Montignault, beste brigadako komandantea, gerra-preso hartu zuten. Bigarren dibisio kolonialak 868 gizon galdu zituzten. Alemaniarrek 3.473 eta 3.984 gizon galdu zituzten. Tintigny eta Rossignolen parte hartu zuten frankotiratzaile ustezko partaidetzak errepresaliak eragin zituen, eta germaniar tropek 63 zibil hil zituzten gudua gertatu eta gutxira, eta beste 122 gortean-militarrean agindu eta fusilatu zituzten.^[2]

Erreferentziak

↑ (Ingelesez) Beasley, Rex W.. (1933). Critical Analysis of the Operations of the French Colonial Corps in the Battle of the Ardennes, with Particular Attention to the Operations of the 3d Colonial Division at Rossignol. .
↑ Zuber, Terence. (2007). The battle of the frontiers, Ardennes 1914. Tempus ISBN 978-0-7524-4424-6. (Noiz kontsultatua: 2024-10-01).

Kanpo estekak

Datuak: Q2985003

[1] (Ingelesez) Beasley, Rex W.. (1933). Critical Analysis of the Operations of the French Colonial Corps in the Battle of the Ardennes, with Particular Attention to the Operations of the 3d Colonial Division at Rossignol. .

[2] Zuber, Terence. (2007). The battle of the frontiers, Ardennes 1914. Tempus ISBN 978-0-7524-4424-6. (Noiz kontsultatua: 2024-10-01).

[1]

[2]