Sagittarius A Ekialdea

Wikipedia, Entziklopedia askea
Jump to navigation Jump to search

Sagittarius A Ekialdea (Sgr A E bezala laburtua) Sagittarius konstelazioan dagoen supernoba hondar bat da (J2000 koordenatuak: igoera zuzena 17o 45m 47s, deklinazioa -29º 04' 36,43"). Gure galaxiako erdigunean dago, Sagittarius A irratiturrian.

X Izpiko Chandra Behatokiak Sagittarius A Ekialdearen estalkian gas bero kontzentratua aurkitu du. Gas hau elementu astunetan aberastua dago, gure eguzkiak baino lau aldiz kaltzio eta burdinarekin, objektu honen supernoba hondar izaera berretsiz.

Sagittarius A Ekialdeak duen energia eta tamainako egitura bat sortzeko supernoba arrunt bat baino 50 eta 100 aldiz bitartean energetikoagoa den gertakari bat beharko litzatekeenez, Sagittarius A*ra gehiegi hurbiltzeagatik gertatutako konpresio baten ondorioz eztanda egindako izar batek sortutakoa dela iradoki da.

Sagittarius A Ekialdea oso interesgarria da erdigune galaktikoan dagoen zulo beltz supermasibotik hain gertu egotearen ondorioz. Sagittarius A Ekialdea eta Sagittarius A*ren arteko elkartearen azterketak, gainontzeko unibertsoan zulo beltz eta supernoba hondarren arteko harremana ezagutzeko balioko duela espero da.

Kanpo estekak[aldatu | aldatu iturburu kodea]


Astronomia Artikulu hau astronomiari buruzko zirriborroa da. Wikipedia lagun dezakezu edukia osatuz.