San Andrés (Ribera)

San Andrés (Ribera)
Jatorria
Sortzailea(k)	José de Ribera
Sorrera-urtea	1631
Izenburua	San Andrés
Jatorrizko herrialdea	Espainia
Ezaugarriak
Materiala(k)	olio-pintura eta Margo-oihala
Dimentsioak	123 () × 95 () cm ;
Genero artistikoa	arte sakroa
Egile-eskubideak	jabetza publiko
Deskribapena
Iconclass	11H(ANDREW)9
Kokapena
Lekua	Pradoko Museoa
Bilduma	Pradoko Museoa
Inbentarioa	P001078
Argumentu nagusia	Andresa

San Andrés Jusepe de Ribera margolari espainiarraren lan ospetsua da. Mihise gaineko olioz egina dago eta 123 zm-ko altuera eta 95 zm-ko zabalera du. 1631 inguruan margotu zuen eta, gaur egun, Pradoko museoan dago jasota, Madrilen (Espainian). Barrokoko tenebrismo joeran sailkatzen da.^[1]

Historia[aldatu | aldatu iturburu kodea]

Lan hau Riberaren lehen garaian kokatzen da, tenebrismoan alegia, eremu argiztatuen eta goibelen arteko kontraste nabarmenekin margotuta baitago. Hasiera batean El Escorial monasterioan egon zen, Pradoko museora eramana arte. Lan horren kopia partzial bat egin zuen Mariano Fortunyk; Pradoko museoak 2014an erosi zuen ere bai.^[2]

Deskribapena[aldatu | aldatu iturburu kodea]

Margolan honek irudi isolatu bat erakusten du, Andres apostolua. Argia ezkerretik erortzen zaio, bortizki. Santuaren aurpegia eta gorputz biluzia biziki argituta daude. Irudia errealismo handiz irudikatuta dago. Mota honetako koadroetarako, Riberak naturaleko modeloak kopiatzen zituen, Napoliko arrantzaleak adibidez. Bere martirioaren gurutzeari besarkatuta dago apostolua. Eskuan, amu bat darama arrain batekin, bere arrantzale-lanbidea gogoratuz.