Santa Luzia baseliza (Ondategi)
Santa Luzia baseliza (Ondategi) | |
---|---|
Kokapena | |
Herrialdea | Euskal Herria |
Probintzia | Araba |
Herria | Ondategi |
Koordenatuak | 42°57′35″N 2°44′08″W / 42.95965354°N 2.73564715°W |
Santa Luzia baseliza, Ondategin (Zigoitia) dagoen baseliza da. 16. mendetik dago dokumentatua, baina gaur egungo eraikina 1686an berregina dela dakigu. 1893an kanpai-horma sinple bat gehitu zitzaion, eta 2005ean, errestaurazioa. Ondategitik Muruara doan bidean kokatzen da. Historikoki garrantzia izan zuen, bertan egiten zirelako Zigoitiko Ermandadearen biltzarrak.[1].
Barrualdea[aldatu | aldatu iturburu kodea]
Erretaula barrokoa du, 18. mendekoa, baina bere irudi nagusia, Santa Luziarena, mende bat lehenagokoa du. Alboetan San Servando eta San German santu martiri anaien irudiak daude: antzina, inguruan, bi santu hauen omenezko beste baseliza bat zegoen, eta hura desagertzean, irudi hauekin haren gomuta gorde nahi izan Santa Luziarenean. Aldarearen oina kapitel erromaniko zahar bat da.
Erreferentziak[aldatu | aldatu iturburu kodea]
- ↑ (Gaztelaniaz) Guía de Monumentos Abierto por un día - Murgia-Gopegi. Ermitaraba / El Correo, 22-23 or. (Noiz kontsultatua: 2021-07-22).