Santiagomendi baseliza

Wikipedia, Entziklopedia askea
Jump to navigation Jump to search

43° 16′ 33″ N, 1° 55′ 53″ W / 43.27583°N,1.93139°W / 43.27583; -1.93139Koordenatuak: 43° 16′ 33″ N, 1° 55′ 53″ W / 43.27583°N,1.93139°W / 43.27583; -1.93139

Santiagomendi baseliza.
Santiagomendi baselizaren ataria.

Astigarragako Santiagomendi baseliza Kostaldeko Done Jakue bidean kokatuta dago, izen bereko mendian. Barruan erromesez jantzitako Done Jakueren XIII. mendeko taila zegoen, egun Donostiako Elizbarrutiaren Museoan jasota. Bazelizaren ondoan, egun, aterpetxea egin da. Hemen inguruan, bestetik, zonaldeko aztarna zaharrenak topatu egin dira. Antza, aurrehistorian bertan herri bat zegoen. Datazio aldetik lehenengo aztarnak Brontze Arokoak izan daitezke eta erromatarren kolonizazio arte iraundu zuen, orain bi mila urte arte. Aztarnategi horretan 1993. urtetik ari da ikertzen.

Ezaugarriak[aldatu | aldatu iturburu kodea]

Jatorrizko baseliza ziurrenik XIII. mendean eraikia izan zen baina gaur egun ikusten duguna 1525. urtekoa da, zaharraren gainean eraikita.[1] Eraikinak oinplano errektangeluarra, abside zuzena eta nabe bakarra ditu. Harlangaitzez eraikita dago eta zenbait ezarkin ditu aurrean eta alboetan; horietan egungo aterpetxea eraiki da. Aurrealdea kanpai-horma gisa errematatua dago. Elizaren barruan, XVII. mendeko erretaula bat dago: San Sebastian, San Kristobal, Kristo eta Done Jakueren irudiak biltzen ditu. Bertan ere Done Jakue erromesaren bat zegoen, XIII. mendekoa, alabastroz egina; gaur egun Donostian gordeta dago.

Aterpetxea[aldatu | aldatu iturburu kodea]

Aterpetxea Astigarrako Udalarena da, 2006. urtean berrituta. Urte osoa dago irekita. 308 m2ko ditu. Ikasturtean zehar Natur Eskola gisa funtzionatzen du ere bai.[2]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]