Shaolin maisu faltsuaren kasua

Wikipedia, Entziklopedia askea
 Orrialde hau euskara ikasten ari den lankide batek egin du
Euskaraz dakien lankide batek testua zuzendu eta erroreak egileari irakatsi ahal dizkio
Shaolin maisu faltsuaren kasua
Motaerailketa
Data2013
KokalekuBilbo
HerrialdeaEspainia

Shaolin maisu faltsuaren kasuak[1] 2013an Bilbon izandako bi emakume etorkinen hilketaren auziari egiten dio erreferentzia.

Juan Carlos Aguilarren biografia[aldatu | aldatu iturburu kodea]

Juan Carlos Aguilar Gomez[2] 1965ean jaio zen Barakaldon[3]. Jose Luis anaia nagusiarekin batera gimnasio bat ireki zuen Bilbon[4][5]. Juan Carlosen emaztea itzultzailea zen eta bi seme-alaba izan zituzten[6].

1992ko otsailaren 8an, anaia hil zen[6] (ustez, gimnasioko karga-jasogailu batek zanpatuta[7]), eta handik gutxira urtebetez joan zen Aguilar Txinako Henan probintziara[4][5]. Itzuli ondoren, monjea[8] eta Shaolin tenpluan maisu izendatutako lehen mendebaldeko pertsona zela esan zuen[9].

Océano de la Tranquilidad monasterioa[10] eta ZEN 4 gimnasioa[11] sortu zituen Bilbon. Laranjaz jantzi eta ilea mozten zuen[5] eta Huang C. izena erabiltzen hasi zen[6][9]. Telebistan behin eta berriz agertu zen[1][9] eta eragina erabili zuen emakumezko jarraitzaileak erakartzeko, azkenean berarekin sexu harremanak izateko konbentzitu zituenak[12]. 2004an, Aguilarren lankideak elkarlanari uko egin zion, emazteak dibortzioa eskatu zuen, eta Aguilar bera mehatxuak jasotzen hasi zen, baina inork ez zuen poliziaren aurrean salaketarik jarri indarkeria edo iruzurragatik[5].

Hilketak[aldatu | aldatu iturburu kodea]

Jenny Sofía Rebolloren hilketa[aldatu | aldatu iturburu kodea]

2013ko maiatzaren 25ean Concha Jenerala kalean[12] Aguilarrek 40 urteko Jenny[1][10] (edo Yenny[13]) Sofía Rebollo Tuirán kolonbiarra ezagutu zuen[13], finantza-egoera zailean zegoen bi semeen ama[14]. Medikuntza ikasi eta prostituzioan aritzen zen[1]. 03:20ean sexu harremanak izateko eskatu zion[15] eta Mitsubishi autoan[13] eraman zuen Maximo Agirre kaleko ZEN 4 gimnasiora[11]. Han lotu zuen, argazki batzuk atera zituen eta gero gorpua zatikatu zuen[11] identifikazioa ekiditeko[13]. Astebete eman zuen gorpuzkiak ezkutatzeko[12]: batzuk gimnasioan ezkutatu zituen, beste batzuk Iturriza kalean zegoen bere etxebizitzan, eta batzuk bainugelan erre edo Nerbioi ibaira[5] edo zabortegi batera bota zituen[11]. Ikasleekin entrenatzen jarraitu zuen, eta, laguntzaileetako baten esanetan, ohi baino haserre eta egonezinago zegoen[5].

Maureen Ada Otuyaren hilketa[aldatu | aldatu iturburu kodea]

Ekainaren 2an, Rebollo hil eta zortzi egunera[5], goizeko seietan[13], Aguilar Concha Jenerala kalera itzuli zen biktima berri baten bila, hau da, 29 urteko Maureen Ada Otuya nigeriarra zen, prostituzioan ere aritua[14]. Aurreko biktimarekin bezala, Aguilar eta Otuya gimnasiora joan ziren[12]. Bertan sexu harremanak izan zituzten, eta orduan Aguilarrek Otuya torturatu zuen zortzi (beste iturri batzuen arabera, bederatzi[5]) orduz[12]. 15:10[13] eta 15:30[5] bitartean Otuyak gimnasioko ateraino iristea lortu zuen eta laguntza eskatu zuen[5]. Pasa den bizilagun batek ertzaintzari deitu zion[5]. Ertzainek kolpatutako eta itotako biktima koma egoeran aurkitu zuten, eta gainera, zazpi poltsa giza gorpuzkiak[16] (Jenny Sofía Rebollorenak barne[17]), hainbat arma (labanak, zerrak, aizkorak, sableak) eta sexua irudikatzen duten argazkiak eta bideomaterialak[5]. Ada Otuya entzefalopatiak jota hil zen[13] ekainaren 5ean, 12:35ean, Basurtuko Unibertsitate Ospitaleko zainketa intentsiboen unitatean[17].

Epaiketa[aldatu | aldatu iturburu kodea]

Juan Carlos Aguilarren aurkako epaiketa 2015eko apirilaren 15ean hasi zen[5]. Zazpi eguneko epaiketaren ostean, epaimahaiak aho batez jo zuen bi hilketaren errudun, baina ez zion basakeria egotzi, eta 38 urteko espetxe zigorra ezarri dio[18]. Horrez gain, biktimen familiei 397.000 euroko kalte-ordaina emateko agindua eman zioten[12].

Erreferentziak[aldatu | aldatu iturburu kodea]

  1. ↑ a b c d Atencio, Graciela; Carrera, Loreto de la; Novo, Nerea; Marcos, Charo; Daza Bonachela, María del Mar. (2016). Feminizidioa Euskadin eta Nafarroan. 2010-2015. Gertaerak, tratamendua prentsan eta epaien analisia. Mugarik Gabe, 84 or. ISBN 978-84-617-8874-3..
  2. ↑ «'Shaolin faltsua' sastatu dute kartzelan» EITB.
  3. ↑ (Gaztelaniaz) Duva, Jesús. (2018). «Orgías de dominación y sangre en un gimnasio de Bilbao» El País.
  4. ↑ a b (Gaztelaniaz) «Juan Carlos Aguilar, el falso shaolin de la sí violencia» Elena en El País de los Horrores.
  5. ↑ a b c d e f g h i j k l m (Gaztelaniaz) G. Álvarez, Mónica. (2019). «El ‘falso’ Maestro Shaolín que torturaba a sus víctimas en orgías de sangre» La Vanguardia.
  6. ↑ a b c (Gaztelaniaz) «Huang C: cuando el hábito no hace al monje shaolín» ABC España.
  7. ↑ «Eraginkortasun judiziala eskatu dute Bilbon, azken hilketen ostean» EITB.
  8. ↑ «Juan Carlos Aguilar ez da shaolin maisua» EITB.
  9. ↑ a b c Gimenez, Manu. (2013). «Huang C. Aguilar, shaolin maisu iluna» EITB.
  10. ↑ a b «Shaolin faltsuaren kasua, gaur, 'El Lector de Huesos' saioan» EITB.
  11. ↑ a b c d «Shaolin maisuak lehengo astean emakume bat hil zuela aitortu du» EITB.
  12. ↑ a b c d e f (Gaztelaniaz) Fernández-Chillón, Ramiro. (2022). «El falso monje shaolín que descuartizaba a sus víctimas tras orgías de sangre» El Debate.
  13. ↑ a b c d e f g (Gaztelaniaz) «El 'falso shaolín', condenado a 38 años por el asesinato de dos mujeres» El Correo.
  14. ↑ a b «Ada eta Jenny Sofia, shaolin faltsuak hildako bi emakume» EITB.
  15. ↑ (Gaztelaniaz) «El falso shaolín, condenado a 38 años de prisión» Diario de Sevilla.
  16. ↑ (Gaztelaniaz) Segovia, Mikel. (2015). «Maureen Ada Otuya sufrió estrangulamiento, pero dudan si existió ensañamiento» El Mundo.
  17. ↑ a b (Gaztelaniaz) «Fallece la nigeriana agredida brutalmente por el supuesto monje Aguilar» El Correo Gallego.
  18. ↑ Perez, David. (2015). «38 urteko espetxe zigorra ezarri diote Juan Carlos Aguilarri» EITB.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Shaolin_maisu_faltsuaren_kasua&oldid=9384987"(e)tik eskuratuta