Steve Austin

Wikipedia, Entziklopedia askea
Steve Austin
Steve Austin by Gage Skidmore.jpg
Bizitza
JaiotzaAustin1964ko abenduaren 18a (57 urte)
Herrialdea Ameriketako Estatu Batuak
BizilekuaMarina del Rey (Kalifornia)
Lehen hizkuntzaingelesa
Familia
Ezkontidea(k)Jeannie Clark (en) Itzuli  (1992ko abenduaren 18a -  1999ko maiatzaren 10a)
Debra Marshall  (2000ko irailaren 13a -  2003ko otsailaren 5a)
Hezkuntza
HeziketaUniversidad Autónoma de Occidente (en) Itzuli
Edna High School (en) Itzuli
Hizkuntzakingelesa
Jarduerak
Jarduerakaktorea, zinema aktorea, borrokalari profesionala, podcaster (en) Itzuli eta ahots-aktorea
Pisua114 kilogramo
Altuera186 zentimetro
Jasotako sariak

brokenskullranch.com
IMDB: nm0042524 Allocine: 131558 Rottentomatoes: celebrity/771514558 Allmovie: p618196 TV.com: people/stone-cold-steve-austin
Twitter: steveaustinBSR Instagram: steveaustinbsr Youtube: UCXGgrKt94gR6lmN4aN3mYTg Musicbrainz: b8985399-91c2-425c-84de-cb492c855fba Discogs: 2653651 Edit the value on Wikidata

Steve Austin —jaiotza izenez, Steven James Anderson; borrokalari izenez, Stone Cold Steve Austin— ( AEB, 1964ko abenduaren 18a), aktorea, ekoizlea eta erretiratutako borrokalari profesionala da. Eragin handiena izan duten borrokalari profesionaletako bat dela jotzen da. Parte hartu zuen World Wrestling Federation enpresaren garapenean eta arrakastan, Attitude Era delakoan (borroka profesionalak 1990eko hamarkadaren bukaeran eta 2000ko hamarkadaren hasieran izan zuen goraldia).

Borroka profesionaleko ibilbidea[aldatu | aldatu iturburu kodea]

Austin, 1996an.

Austinek 1989an hasi bere ibilbidea borroka profesionalean, Ipar Texasko Unibertsitatean amerikar futbolean jokatu ondoren. 1991n World Championship Wrestling (WCW) enpresarekin kontratua sinatu zuen, eta borrokalaritzat Stunning Steve Austin pertsonaia hartu zuen (borrokalekuko teknikari gaizto bat), eta bi aldiz irabazi zituen WCW Munduko Telebista Txapelketa eta WCW Estatu Batuetako pisu astunen txapelketa; bai eta WCW World Tag Team Championship eta NWA World Tag Team Championship taldekako txapelketak ere, aldi banatan, Brian Pillman lagun zuela (Hollywood Blondes izen artistikoarekin). Extreme Championship Wrestling (ECW) enpresarekin denboraldi labur batez lan egin ondoren, Austinek World Wrestling Federation enpresarekin (WWF, gaur egun WWE) sinatu zuen 1995ean.

Austin, 2003an.

WWFn, Austini pertsonaia berri bat eman zioten: Stone Cold Steve Austin izenekoa, aiurri txarrekoa, ausarta eta establishmentaren aurkako antiheroia. Attitude Era garaiko borrokalaririk ospetsuena bihurtu zen. WWF txapelketa sei aldiz irabazi zuen, WWF Intercontinental txapelketa bitan, Million Dollar txapelketa behin, eta WWF Tag Team Championship lau aldiz; hartara, WWF Hiruko Koroa irabazi duen bosgarren borrokalaria da. Gainera, Royal Rumble hiru aldiz irabazi izanaren errekorra du, 1996ko King of the Ring titulua irabazi zuen, eta WWFko ordainpeko ekitaldi askotan protagonista izan zen, besteak beste lau aldiz WrestleMania ekitaldian (WWFren ekitaldi enblematikoena). 2003an, borrokalekuetako lehiaketatik erretiratu behar izan zuen, belauneko lesio ugari izan ondoren eta 1997ko SummerSlam ekitaldian lepoko lesio larri bat izan ostean. Geroago, 1997an bertan, bere enpresako autoritate figuratzat aritu zen. 2009an, WWE enpresako ospearen aretoan sartu zuten. 2022an, erretiroa hartu eta 19 urtera, borrokalekuetako lehiara itzuli zen, eta Kevin Owens garaitu zuen WrestleMania 38 ekitaldian.

Filmografia[aldatu | aldatu iturburu kodea]

Zinema[aldatu | aldatu iturburu kodea]

Urtea Izenburua Rola Oharrak
1999 Beyond The Mat Steve Austin bera Dokumentala
2005 The Longest Yard Dunham zaindaria
2007 The Condemned Jack Conrad
2009 Damage John Brickner Zuzenean bideora
2010 The Expendables Dan Paine
2010 The Stranger Arrotza Zuzenean bideora
2010 Hunt to Kill Jim Rhodes Zuzenean bideora
2010 Whoop Ass Bera Film laburra
2011 Recoil Ryan Varrett Zuzenean bideora
2011 Knockout Dan Barnes Zuzenean bideora
2011 Tactical Force Tate Zuzenean bideora
2012 Maximum Conviction Manning Zuzenean bideora
2013 The Package Tommy Wick Zuzenean bideora
2013 Helduak 2 Tommy Cavanaugh
2014 Chain of Command Ray Peters Zuzenean bideora
2015 Smosh: The Movie Steve Austin bera

Kanpo estekak[aldatu | aldatu iturburu kodea]