The Englishman Who Went Up a Hill But Came Down a Mountain

The Englishman Who Went Up a Hill But Came Down a Mountain
Jatorria
Argitaratze-data	1995
Izenburua	The Englishman Who Went Up a Hill But Came Down a Mountain
Jatorrizko hizkuntza	ingelesa
Jatorrizko herrialdea	Erresuma Batua
Banatze bidea	eskatu ahalako bideo
Ezaugarriak
Genero artistikoa	komedia erromantikoa eta film komikoa
Iraupena	92 minutu
Kolorea	koloretakoa
Grabazio lekua(k)	Pinewood Studios (en)
Zuzendaritza eta gidoia
Zuzendaria(k)	Christopher Monger
Antzezlea(k)
	Hugh Grant ; Ian McNeice ; Tara Fitzgerald ; Colm Meaney ; Kenneth Griffith ; Ian Hart ; Robert Pugh
Ekoizpena
Ekoizlea	Bob Weinstein; Harvey Weinstein
Konpainia ekoizlea	Miramax
Edizioa	David Martin (en)
Ekoizpen-diseinatzailea	Chris Lowe
Bestelako lanak
Musikagilea	Stephen Endelman (en)
Jantzi-diseinatzailea	Lindy Hemming
Fikzioa
Kontakizunaren tokia	Gales

The Englishman Who Went Up a Hill But Came Down a Mountain (euskaraz Muino bat igo baina mendi bat jaitsi zuen ingelesa) 1995eko Christopher Monger galestar zinema zuzendariaren filma bat da. Bertan Hugh Grant, Ian McNeice, Tara FitzGerald, Colm Meaney eta Kenneth Griffith aktoreek antzeztu zuten.

Jatorriz filma oinarritzen den kontakizun edo istorioa Christopher Monger zinema zuzendariari bere aitonak kontatu omen zion: aitona, biloba bezala, Gales hegoaldeko Rhondda Cynon Taff konderrian dagoen Taff's Well udalerrikoa zen, eta bertan aipatzen den muino edo mendia Garth Hill (307 metro) muinoa da. Halere XX. mendean eskualde hark jasandako urbanizazioaren ondorioz, filma oraindik landa edo baserri giroa hobekiago mantendu izan duten Gales erdialdeko Powys konderriko Llanrhaeadr-ym-Mochnant eta Llansilin herrietan filmatu zen.

Argumentua[aldatu | aldatu iturburu kodea]

1917, Gales, Lehen Mundu Gerraren testuinguruan, George Garrad (Ian McNeice) eta bere laguntzaile gaztea den Reginald Anson (Hugh Grant) bi ingeles kartografo dira. Bikotea fikziozko Ffynnon Garw herrira iritsi berri dira, Britainiar Gobernuak Galesko mapa berri bat gauzatu nahi baitu.

Herritarrak "Galesko lehenbiziko menditia" ezizenez ezagutzen duten muinotik hurbil bizi dira. Zoritxarrez, bi ingelesek muinoa neurtu eta mendi bat izateko ezinbestekoa baldintza den 1.000 oinetara ailegatzeko 15 oin falta zaizkiola ondorioztatu dute. Hori jakin bezain laster, herritarrak Morgan "Akerra" (Colm Meaney) eta Jones apaizak (Kenneth Griffith) zuzendurik auzolan bidez muinoari behar dituen 15 oinak bere gailurrean lurra pilatuz lortzeko lan egingo dute. Bide batez, herritarrek jada herria utzi eta Galesen zehar euren zereginarekin jarraitu behar duten bi ingelesak nola edo hala eta trikimailu askoren bitartez herrian jarraitzea lortuko dute, honela herritarrek euren muinoa mendi bilakatu eta berehala ingelesak hura berriz neurtu eta mendi bat dela ziurtatuko dutenaren asmoz. Bien bitartean Reginald Anson gaztea Betty Cardiffkoa (Tara FitzGerald) deritzon galestar neska gazteaz maitemindu eta herrian bizitzen gelditzeko ideian pentsatzen hasiko da.

Pertsonaiak[aldatu | aldatu iturburu kodea]

Hugh Grant, Reginald Anson
Ian McNeice, George Garrad
Tara FitzGerald, Betty Cardiffkoa
Colm Meaney, Morgan "Akerra"
Ian Hart, Johnny Shellshocked
Robert Pugh, Williams "Petrolio"
Kenneth Griffith, Robert Jones apaiza
Ieuan Rhys, Thomas sarjentua

Kanpo-estekak[aldatu | aldatu iturburu kodea]

The Englishman Who Went Up a Hill But Came Down a Mountain filmaren IMDBko fitxa irakurgai (Ingelesez)
The Englishman Who Went Up a Hill But Came Down a Mountain filma ikusgai (Ingelesez)

Datuak: Q784934