Kaixo, Commonsera igo nituen irudi batzuekin arazoak ditut, 7 egunetan ezabatzeko mehatxuan daudelako. Lehena, Commonsen aurkitutako irudien zatiekin egin nuen, baina orain auskalo zein diren irudi horiek. Bigarrena argazki bat da, egilearekin Twitter bidez harremanetan jarri eta igotzeko baimena duena, baina txio hura ere auskalo non dagoen. Norbaitek salbatu ditzake?
Topic on Wikipedia:Txokoa
Nire ustez, Koldo, lehendabizikorako, irudiak nondik lortu dituzun aztertu beste aukerarik ez duzu. Bigarrenerako, berriz, adminari adieraziko nioke Twitterren baimena eman dizula, eta esteka jarri, balioko duelakoan (OTRSrekin gauzak konplikatu egiten dira, nik dakidala esplizituki berak eman beharko luke baimena). Ea beste inork zer dioen
Bilaketa bat eginda, lehenengo irudia Sociedad Española de Nutrición Comunitaria elkartearen izenean erregistratuta dago, harenak dira egile eskubideak; beraz, zuk oinarritzat erabilitakoa Commonsetik ezabatuko zuten, eta zurea ere ezabatu beharko dute, egile eskubideak urratzen dituelako.
Bigarrenean, berriz, egilearen baimena berriz ere eskatu behar, salbatuko bada. Hemen dituzu jarraitu beharreko urratsak.
Bigarren irudiari dagokionez, egileak hemen eman zizun baimena Commonsera igotzeko. Baina hor ez du berariaz esaten lizentzia libre egokiarekin (adibidez, CC-BY-SA-4.0) irudi hori argitaratzea onartzen duenik. Beraz, txio horrek ez dizu balioko...
Ostra, Xabier, kriston hackerra eginda zaude! Esan behar didazu nola lortzen den hori. Bestalde, pena da, primerako argazkia delako.
Ez du misterio handirik, Koldo: piramidearen goiko aldean letra txiki-txikiarekin «AZÚCAR» jartzen zuela ikusita, ondorioztatu dut originala gaztelaniazkoa zela. Googlen «pirámide de alimentos» bilaketa egin dut, irudietan, eta lehenengo emaitzetako bat zen irudi hori.
Gero, Commonsen bigarren irudi horren iturritzat aipatu zenuen Twitterreko mezura jo dut, eta haren erantzunen harian zegoen egileak emandako baimena.
Sentitzen dut gehiago lagundu ezin izana. Zorrotz jokatzen dute irudiekin Commonsen, eta neureak ez diren irudiekin behin baino gehiagotan tokatu zait nik igotako irudiren baten lizentzia zehatz-mehatz justifikatu ezinda nola ezabatzen duten ikustea. Zer egingo diogu... Ea bigarren irudi horren egileak irudi hori lizentzia librearekin argitaratzea lortzen duzun!