Torrente, el brazo tonto de la ley

Torrente, el brazo tonto de la ley
Jatorria
Argitaratze-data	1998
Izenburua	Torrente, el brazo tonto de la ley
Jatorrizko hizkuntza	gaztelania
Jatorrizko herrialdea	Espainia
Banatze bidea	eskatu ahalako bideo
Ezaugarriak
Genero artistikoa	film komikoa, black comedy film (en) , ekintza-filma, thrillerra eta krimenezko filma
Iraupena	97 minutu
Kolorea	koloretakoa
Grabazio lekua(k)	Madril
Zuzendaritza eta gidoia
Zuzendaria(k)	Santiago Segura
Gidoigilea(k)	Santiago Segura
Antzezlea(k)
	Javier Cámara ; Tony Leblanc ; Javier Bardem ; Antonio de la Torre ; Chus Lampreave ; Jimmy Barnatán ; Santiago Segura (José Luis Torrente (en) ); Espartaco Santoni (en) ; Carlos Bardem ; Neus Asensi ; Darío Paso (en) ; Manuel Manquiña (en) ; Manuel Tallafé (en) ; Luis Cuenca García (en) ; Daniel Monzón ; El Gran Wyoming ; Mariola Fuentes (en) ; Andreu Buenafuente ; Nuria de la Fuente (en) ; Gabino Diego ; Máximo Pradera (en) ; Jorge Sanz ; Fernando Trueba ; Carlos Lucas (en) ; Sixto Cid (en)
Ekoizpena
Ekoizlea	Andrés Vicente Gómez
Bestelako lanak
Musikagilea	Roque Baños
Fikzioa
Kontakizunaren tokia	Madril
	ikusi José Luis Torrente (en) ;
Historia
Jasotako sariak	Taldeko gizonezko aktorerik onenaren Goya Saria ; Goya Award for Best New Director (en)
Nominazioak	Taldeko gizonezko aktorerik onenaren Goya Saria ; Goya Award for Best New Director (en) ; Gizonezko errebelazio aktore onenaren Goya Saria
	torrentelamaquina.es
kronologia

Torrente, el brazo tonto de la ley (euskaraz Torrente, legearen beso tentela) 1998ko Santiago Segura espainiar zinema zuzendariaren akziozko komedia filma da. Bertan, Santiago Segura, Javier Cámara, Chus Lampreave, Neus Asensi, Manuel Manquiña, Luis Cuenca, Tony Leblanc, Espartaco Santoni, Julio Sanjuán, Darío Paso eta Jimmy Barnatán aktoreek antzeztu zuten.

Filma estreinatu eta berehala ikusle eta sarrera salmenten bidezko diru etekinen aldetik sekulako arrakasta izan zuen; gainera, bi Goya Sari ere irabazi zituen. Bestalde, hainbat jarraipen izan ditu: Torrente 2: Misión en Marbella (2002), Torrente 3: El protector (2005), Torrente 4: Lethal Crisis (2011) eta Torrente 5: Operación Eurovegas (2014).

Argumentua

Oharra: Atal honek istorio osoa edo amaiera argitzen du.

José Luis Torrente (Santiago Segura) arrazista, ultraeskuindar, faxista, ustel, alfer, putazalea, edanzalea eta bere hitzetan droga neurri txikian hartzen duen espainiar polizia bat da; gainera, El Fary abeslariaren eta Atlético de Madrid futbol taldearen zaletu amorratua da.

Filma pertsonaia xelebre hori Madrilen gaueko erronda egin eta etxera itzultzen denean hasten da, atariko eskaileran gora doala "Rafi" (Javier Cámara) bizilaguna bere ama (Chus Lampreave) arrandegira jaisten laguntzen ari denean. Torrente bere aitarekin (Tony Leblanc) bizi da, eserleku-gurdian dagoen agurea, eta modu kaskarrean tratatzen du. Torrente maiz dendetara joan eta bertako zaindariak ohartu gabe lapurretak egin ohi ditu, gainera bere adiskide Antonioren (Cañita Brava) jatetxean whiskya edateagatik 6.000 pezetako zorra duenez, kaleratu dute.

Ustekabean eta bere aitak bihotzekoa izan ondoren, Torrentek ezkutuko droga saltokia den txinatar jatetxe bat topatu du. Jabea Mendoza (Espartaco Santoni) droga trafikatzaile zitala da, eta haren konfidantzazko morroia, "El Francés" (Manuel Manquiña) izengoitiko hiltzailea. Rafik eta bere lagun koadrilak lagundurik (Carlitos, Malaguita, Toneti eta Bombilla) Torrentek Mendozaren egitasmoa zapuztea helburu du, baina Torrenteri ez zaizkio gauzak nahi bezala atera. Halere, Mendozak beste droga-trafikatzaile batekin adostuta zituen 50 milioiko diru-saria bereganatu eta Torremolinosera ihes egitea lortu du.

Aktoreak

Santiago Segura: José Luis Torrente, espainiar polizia faxista eta ustela, Atlético de Madriden eta El Fary abeslariaren zaletua. Bere aita zaharra kalean diru eske ipini ohi du, besteen bizkar bizizalea, dendetan lapur eta whisky zurratzailea.
Javier Cámara: Rafi, izen osoz Rafael Jiménez Valera, Torrenteren etxe azpiko arrandegiko langilea, Torrente armagizon gisa miresten du.
Chus Lampreave: Remedios "Reme" Valera, Los Jureles arraindegiko jabea, Rafiren ama eta Amparoren izeba.
Neus Asensi: Amparo, Rafaren lehegusu ederra, Torrenteren haragikeri ametsetako emakumea.
Manuel Manquiña: El Francés, Mendoza zitalaren morroi edo sikario beldurgarria.
Luis Cuenca: tabernaria, Torrentek egunero bere zazpi whiskyak gosaldu ohi dituen tabernako zerbitzaria.
Tony Leblanc: Felipe Torrente, Torrenteren aita hemiplegikoa, semeak Estatuaren laguntzak lortzeko eta kalean dirua eskatzeko dagoena baina okerrago dagoela antzeztera behartzen du.
Espartaco Santoni: Mendoza, narkotrafikatzailea, aberastasun eta emakume ugari dituen gizona.
Julio Sanjuán: Malaguita
Darío Paso: Bombilla
Jimmy Barnatán: Toneti
Carlos Bardem: Cayetano
Antonio de la Torre: Rodrigo
César Vea: Borja
Cañita Brava: Antonio
Poli Díaz: bere burua antzeztuz
Javier Bardem: Sultan
El Gran Wyoming: komisarioa, Torrenteren buruzagia, eta haren iragan ezkutua ezagutzen duen bakarra.
Nuria Carbonell (Pablo Carbonell aktorearen arreba): Pili
Carlos Perea: Carlitos

Kanpo estekak

Torrente, el brazo tonto de la ley filmaren IMDBko fitxa irakurgai (Ingelesez)
Torrente, el brazo tonto de la ley filmaren trailer edo iragarkia ikusgai (Gaztelaniaz)

Datuak: Q1050105