Wikipedia, Entziklopedia askea
Jump to navigation Jump to search
Datuak, labur
🏴  Lurraldea Bizkaia
👨‍👨‍👦‍👦  Biztanleak 1.245
ğŸ”Ž  Azalera 20,23 kilometro koadro
🌄  Altuera 190 metro

Berriatua Bizkaiko udalerri bat da. 1.241 biztanle ditu. Lea-Artibai eskualdean kokatzen da.

Inguru naturala[aldatu | aldatu iturburu kodea]

Iparraldean Kantauri itsasoa dauka. Hegoaldean Markina-Xemein. Mendebaldean Mendexa eta Amoroto. Ekialdean Ondarroa eta Mutriku.

Lau auzo dauzka herriak: Asterrika, Erribera, Magdalena eta Merelludi.

Historia[aldatu | aldatu iturburu kodea]

Gizakia historiaurretik dago Berriatuan. Lehenengo gizaki hauen aztarnak topatu dituzte Atxurra, Armiña, Lamiña II eta Goikolauko kobazuloetan.

Ondarroa Berriatuko lurretan sortu zen.

XV. mendean jaunen arteko guda asko izan ziren inguruetan. 1443. urtean, adibidez, Martin Ruiz Ganboako jaunak eraso egin zion Arantzibiako dorreari eta erre egin zuen. Pedro Ortiz Aranzibiako jauna bertan hil zen.

1794an frantses armadak Ondarroa eta Berriatua erre zituzten.

1974an Berriatua Ondarroako auzo bihurtu zen. Batasun horrek 1983ra arte iraun zuen.

Berriatua

Demografia[aldatu | aldatu iturburu kodea]

2019. urtean Berriatuak 1.251 biztanle zituen. Atzerrian jaio eta Berriatuan bizi diren pertsona asko daude, gehienak Senegalekoak (Afrika).

Etxepintxoa

Politika[aldatu | aldatu iturburu kodea]

Herriko alkatea Jon Arriola Espilla da.

2019an udal hauteskundeak ospatu ziren, eta hauek izan ziren emaitzak: EH Bildu koalizioak 355 boto; EAJ alderdi politikoak 227 boto. PSE-EE alderdiak 2 boto.

Berriatuko eskola

Ekonomia[aldatu | aldatu iturburu kodea]

Industriak garrantzia handia dauka herrian. Herriko fabrika garrantzitsuena Cikautxo da. 1972an sortu zuten, eta kautxuzko eta plastikozko osagaiak egiten ditu, kotxeentzako, etxeko-tresnentzako...

Kultura[aldatu | aldatu iturburu kodea]

Euskara[aldatu | aldatu iturburu kodea]

Berriatuko biztanle gehienak (%93) euskaldunak dira.

Eraikin garrantzitsuak[aldatu | aldatu iturburu kodea]

  • Etxepintxoa: XVIII. mendeko eraikina. Kanpoan duela 300 urteko marrazkiak dauzka.
  • Arantzibia dorretxea: XVI. mendeko eraikina da, baina aurretik ere egon zen beste bat.
  • San Pedro eliza: 1588. urteko eraikina da. Aurretik beste bat egon zen.
  • Lekoia-Bekoa: XVI. mendeko baserria.
Berriatuko frontoia

Berriatuar ospetsuak[aldatu | aldatu iturburu kodea]

  • Jon Azpillaga (1935-2017), bertsolaria
  • Mikel Anjel Lertxundi (1951), eskultorea