Olagarro arrunt
Olagarro arrunta Olagarroen artean dagoen espezie ezagunena da.
Izena[aldatu | aldatu iturburu kodea]
Bere izen zientifikoa Octopus vulgaris da. Octopus hitza grezieratik dator eta zortzi hanka esan nahi du. Vulgaris hitza berriz, latinetik dator eta arrunta esan nahi du. Beraz, bere izen zientifikoak zortzi hankako olagarro arrunta esan nahi du.
Deskribapena[aldatu | aldatu iturburu kodea]
Olagarro arrunta nahiko handia da garroak kontutan hartuta metro bat neur dezake. 9-10kg-ko pisua izaten dute.
Kolore marroixka du baina ingurunearekin kamuflatzeko kolorez aldatzen da. Buru handia du, bertan ditu organoak. Bi begi handi ditu. Burutik zortzi garro ateratzen zaizkio. Buruaren azpian aho bat du.
Bizitokia[aldatu | aldatu iturburu kodea]
Sakonera txikiko kostaldean bizi da eta ingurune harritsuak atsegin ditu. Harkaitzen zuloetan ezkutatzen da.
Inguruneko ura berotuz gero sakonago murgiltzen da, gehienez 200 metrotara.
Elikadura[aldatu | aldatu iturburu kodea]
Haragijalea da eta gauez ehizaten du. Animalia oskoldunez elikatzen da karramarro eta almejez adibidez oskola puskatzeko gai baita. Arrainak ere jaten ditu. Olagarro arruntak pozoia dauka.
Ugalketa[aldatu | aldatu iturburu kodea]
Olagarro arrunta martxotik azarora ugaltzen da. Emeak arrautzak jarri eta zaintzen ditu 3 hilabetez. Hilabete horietan zehar, emeak jaten ez duenez umea jaio ondoren hil egiten da.
1-2 urte inguru bizi dira.
Gastronomia[aldatu | aldatu iturburu kodea]
Euskal kostaldean betidanik arrantzatu izan da olagarroa. Kostaldean olagarroa jaki oso ospetsua da, adibidez olagarroa galiziar eran.
