Wikipedia, Entziklopedia askea

Sorgin-orratzak Odonatu ordeneko intsektu haragijaleak dira, zientifikoki Zygoptera izenarekin ezagutzen direnak.

Nolakoak dira?[aldatu | aldatu iturburu kodea]

Sorgin-orratz.
   Ba al dakizuEmoji u2753.svg   

Burruntzien antzekoak dira baina ez dira berdinak. Sorgin-orratzek, beraien hegalditik lurreratzerakoan, haien hegalak itxi eta atzeraka (bertikalean) jartzen dituzte, burrutziek, berriz, ez dituzte biltzen eta irekita (horizontalean) mantentzen dituzte.

Sorgin-orratzak txikiak dira, buru luze bat du eta bertan,bi begi bereizita, ahoa, masailezurrak eta hortzak ditu.

Bere sabelaldea agerian dago. Hau hegoak baino luzeagoa da. Gainera, oso egitura fina du. Bere hegoak gorputzari itsatsita daude eta bi parez osatuta daude. Horrez gain, hiru hanka pare ditu, gainazal ezberdinetan heltzen diotenak

Non bizi dira?[aldatu | aldatu iturburu kodea]

   Ba al dakizuEmoji u2753.svg   

Ninfak direnean, azkar mugitzen dira urpean, baina helduak direnean, ura uzten dute, haien bi hegal pareak garatzeko.

Sorgin-orratzak ur gezako habitat ezberdinetan bizi eta ugaldu ohi dira. Horrez gain leku beroetan aurki daitezke, batez ere giro tropikaletan. Inguruan ur iturriak dituzten lekuak dira gustukoenak. Uda heltzean erraz ikus daitezke hauek, beste urtaro batzuetan ez bezala.

Nahiago dituzte ur garbiak oxigeno portzentaje handiarekin. Uraren tenperatura baxua denean. Landaretza handia dagoen lekuetan ere bizi dira, haizetik babesteko.

Sorgin-orratzaren bizi zikloa

Taxonomia[aldatu | aldatu iturburu kodea]

Erreinua: Animalia

Filum-a: Arthropoda

Klasea: Intsektua

Ordena: Odonatu

Familia: Amphipterygidae

Nola ugaltzen dira?[aldatu | aldatu iturburu kodea]

Sorgin-orratzaren ugalketa

Hauek, "Kopulazko gurpila" deritzona eratuz ugaltzen dira, bi intsektuek zirkulu bat simulatzen dutelako ugaltzean hartzen duten posizioagatik. Ugaldu ondoren, emea ur-gorputzak gertu dituzten lekuetan desobatzen da, larbak eta ninfak (larben eta helduen arteko tarteko egoera) ingurune urtarretan garatu ahal izateko. Hala ere, talde honetan badago intsektu bat Ischnura hastata izenekoa, ez duena behar sorgin-orratz arraren ongarririk genetikoki amaren berdinak diren emeak ekoizteko.

Zertaz elikatzen dira?[aldatu | aldatu iturburu kodea]

   Ba al dakizuEmoji u2753.svg   

Ahoa hozka egiteko egina dute, baina, hala ere, ez diete gizakiei hozka egiten.

Sorgin-orratzak haragijaleak dira, eta bizi diren habitatetako intsektu ezberdinak jaten dituzte, adibidez, helduek intsektu hegalariak jaten dituzte, eta horretaz gain, kakalardoak eta beldarrak ere bai. Umeek edo larbek ordea, uretan bizi diren ornogabe eta ornodun txikiez elikatzen dira, esate baterako, zapaburuetaz.

Ninfa uretan

Bitxikeriak[aldatu | aldatu iturburu kodea]

-Uretan azkarrak dira, airean ez bezala.

Sorgin-orratza hegan

-5 cm-raino neur dezakete.

-Ez dira hegalari bikainak.

Beste hizkuntza batzutan esanda:[aldatu | aldatu iturburu kodea]

Gazteleraz: Zygoptera edo caballito de diablo

Ingelesez: Damselfly

Frantsetz: Demoiselle