Udaletxe Berria (Munich)

Udaletxe Berria
Neues Rathaus
Udaletxe Berriaren irudi orokorra. Irudi gehiago
Kokapena
Estatu burujabe	Alemania
Alemaniako estatua	Bavaria
Gobernu-eskualde	Bavaria Garaia
Unibertsitate-hiri	Munich
Koordenatuak	48°08′16″N 11°34′33″E
Historia eta erabilera
Eraikuntzaren hasiera	1867
Erabiltzailea	Municipal council of Munich (en) lord mayor of Munich (en)
Arkitektura
Arkitektoa	Georg von Hauberrisser (en)
Estiloa	arkitektura neogotikoa
Ondarea
Kontaktua
Helbidea	Marienplatz 8

Udaletxe Berria (alemanez Neues Rathaus) Alemaniako Bavaria estatuko Munich hiriko udaletxea da. Hiri honen erdigunean dagoen Marienplatz enparantzan kokatzen da. 1867-1908 bitartean eraiki zen.

Eraikina

Estilo neogotikoan egindako eraikin handia da. 100 metro luze den aurrealdea duen eraikinak 400 gela ditu barnean, guztira 9159m² estaltzen dituelarik. Aurrealdeak Marienplatzera ematen du eta atzekaldeak Marienhof parkera. Beheko solairua Ratskeller jatetxeak okupatzen du, ia osorik. Turismo bulegoa ere beheko solairuan dago. Lehenengo solairuko balkoi luzea ospakizunetan erabiltzen da edo kirol txapelketa handietan jokalariak omentzeko.

Dorreak 85 metrotako garaiera du eta igogailuan igo daiteke goraino.

Rathaus-Glockenspiel

Baina turistikoki erakargarriena Rathaus-Glockenspiel kariloia da. 1908an ipini zuten eta bi solairu ditu, bakoitzak Munichko historiaren pasadizu bat gogoratzen duelarik. Goian 1568an William V.a Bavariakoaren ezkontzan izandako zaldun lehiaketa azaltzen du. Beheko solairuan aldiz Schäfflertanz (upelarien dantza) ageri da, izurritik babesteko upelariek zazpi urtean behin egiten zuten dantza da.

32 pertsona irudi ditu eta 43 kanpai txiki. Egunero hamaiketan jotzen du, eta udan hamabietan eta arratsaldeko bostetan ere bai. Ordu laurden inguru irauten du eta goian dagoen urrezko txoriaren hiru txiok ematen diote amaiera.

Kanpo estekak

• Municheko udalaren webgunea (Alemanez) (Ingelesez)

• Datuak: Q152979
• Multimedia: Neues Rathaus (München) / Q152979