Ugarritza

Ugarritza
	Euskal Herria
	Olibet auzoaren ikuspegia
Kokapena
Herrialdea	Gipuzkoa
Udalerria	Errenteria
Geografia
Koordenatuak	43°18′51″N 1°53′54″W / 43.31403°N 1.89828°W

Ugarritza^[1] (edo «Ugarritze») Errenteria inguru bat da, Oiartzun ibaiaren ertzean kokatua, eta Olibet^[2] eta Etxeberrieta^[3] (maiz Casas Nuevas) auzoak barne hartzen dituena. Azken izen horiek erabiliagoak dira, Ugarritza izena XX. mende hasieratik galduz joan da eta.

Auzoaren izena antzinako ontziola batzuei dagokie, Errenteriako harresietatik kanpo geratzen zirenak.

Zentzu zabalean Ugarritza, auzoa baino, Errenteriako ibaiertzeko ingurune oso bat da. Lezoko udalerria eta Oiartzun ibaiaren artean kokatzen da. Bertan, Renfeko tren-geltokia (Lezo-Errenteria izenekoa) eta Papresa paper-lantegia daude.

Auzoaren sorrera

Auzo honetan 1.500-2.000 etxebizitza eraiki zituen paper-lantegiak XX. mendeko bigarren erdian. Paper-lantegia bera izan zen etxebizitza guzti horien sustatzailea, bere langileei inguruan kokatzeko erraztasuna emateko. Ofizialki ez, baina herrian auzo garbi eta eraiki berri honi "Orereta" deitzen zitzaion, ordura arte herrian zegoen gune zaharreko "Errenteria" izenarekin kontrastea egiteko.

Panier Fleuri jatetxea eta aparkalekua

Panier Fleuri jatetxe ospetsua auzo honetan egon zen kokatua. Bertako auzoko bataio eta eztegu gehienak bertan ospatzen ziren. Ibaiaren ondoan zegoenez, ibaiak galera handiak sortu zizkion kupeletan eta XX. mendeko bukaeran Donostia aldera mugitu zuten jatetxea. Jatetxea zegoen tokian, orain "Panier" aparkalekua dago.