Ugarte baserria

Wikipedia, Entziklopedia askea
Ugarte baserria
Logotipo del Gobierno Vasco.svg Eraikitako euskal ondasun nabarmena
Ugarte baserria asteasu.jpg
Kokapena
Herrialdea  Euskal Herria
Probintzia  Gipuzkoa
Udalerria Asteasu
Koordenatuak 43° 11′ 22″ N, 2° 04′ 31″ W / 43.18947°N,2.07539°W / 43.18947; -2.07539Koordenatuak: 43° 11′ 22″ N, 2° 04′ 31″ W / 43.18947°N,2.07539°W / 43.18947; -2.07539
Altitudea 80 m, itsas mailaren gainetik
Historia eta erabilera
IrekieraXVI. mendea
Arkitektura
Azalera 460 m²
Ondarea
EJren ondarea 18

Ugarte baserria Asteasun (Gipuzkoa) dagoen baserria da, XVI. mendean eraikia. Behe Bailaran kokatua dago, muino baten oinean.

2005eko abuztuaren 3an, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak[aldatu | aldatu iturburu kodea]

Bolumen handiko baserri bat da, oin angeluzuzenekoa, eta gainean zurezko bi isuriko estalki bat, fatxada nagusiarekin elkarzuta den gailur batekin. Bi solairu eta ganbara ditu baserriak.

Kanpoaldea[aldatu | aldatu iturburu kodea]

Fatxada nagusia (hego-ekialdera) harlangaitzezkoa da eta harlanduzko eskantzuak ditu. Behe-solairuan ageriko harlangaitza ikus daiteke. Lehen solairuan eta ganbaran, bestalde, zurezko bilbadurak erabili dira eta harlangaitza zarpiatua eta zuritua da. Ipar-ekialdeko fatxada harlangaitzezkoa da eta, kasu honetan ere, zurezko bilbadurak erabili dira behe-solairuan, eta harlangaitzezko horma-atalak ikus daitezke, zarpiatuak eta zurituak. Hego-mendebaldeko fatxada harlangaitzezkoa da eta hutsune ataburudun batzuk ikus daitezke, harlanduz apainduta. Alde horretan zubi bat dago eta bertatik zuzenean iristen da lastategira. Ipar-mendebaldeko fatxadan (harlangaitzezkoa) sei hutsune txiki ikus daitezke (leihoak), modu irregularrean banatuta.

Fatxada nagusiaren hegoaldean itsatsita dagoen zatia ez da monumentuaren zati gisa ulertu.

Barnealdea[aldatu | aldatu iturburu kodea]

Eraikinaren barrualdean hamalau osoko zutabe daude, haritz zurez eginak (bi dolare gotikoren zutabeek osatutako bastidoreak dira), eta behe-solairuan kokatutako zapatek eusten dituzte. Egituraren ardatz dira aipatutako zutabeak eta barrualdean dolare gotikoko habe bat osatzen dute. XVI. mendean eraiki zen baserria, eta ipar-mendebaldeko aldean hormarte bat gehiago jarri zitzaion.

Kanpo estekak[aldatu | aldatu iturburu kodea]