Velia Procularen idazkuna

Wikipedia, Entziklopedia askea
Velia Procularen epitafioa edo estelaren kalkoaren bektorizazioa: idazkuna, estelaren profila eta marrazkiak
Velia Procularen epitafioa edo estelaren kalkoaren marrazkia
Velia Procula Hic sepulta est annorum XXX cura parentium
Velia Procula, 30 urteko emakumearen heriotz-estela, Bergarako erakusketan.
Orein-emea eta bere oreinkumea
Orein-emea eta bere oreinkumea irudikatuta daude Velia Procularen estelan. Orein-emea Soriako Tierras Altaseko estelatan sarritan agertzen da hildakoa emakumea edo neska denean.

Velia Procularen estela edo hilarria, Soriako Tierras Altas eskualdean aurkitu zen erromatar garaiko heriotza-estela edo hilarria da. Tailer epigrafiko horretako ezaugarri berezigarriak ditu: hiru bandatan antolatutako idazkera eta marrazkiak, modu azkarrean landutako harria eta inskripzioak, ohiko egitura jarraitzen duen epitafioa, etab.

Hildako emakumea orein eme batez irudikatuta dago, eta alboan, orein-kumea dauka titia hartzen. marrazki hau, amatasunaren adierazletzat hartzen dira. Goiko aldean dagoen marrazki sinplea hildakoaren erretratu eskematikoa izango litzatekeela uste da. Bi marrazkien artean epitafioa dago.

Soriako San Pedro Manriquen agertu zen.

Idazkunaren irakurketa epigrafikoa[aldatu | aldatu iturburu kodea]

Transkripzioa[aldatu | aldatu iturburu kodea]

DM

VELIAEPROCUL

EHIC SEPULTA EST

ANNORUXXX CV

RAPARETNIV

Testu barruko loturak edo hizki elkartuak[aldatu | aldatu iturburu kodea]

AE elkarturik daude bigarren lerroan. Bigarren lerro horretako beste ezaugarri bat da hasieran agertzen den marrazkia: huntz baten hostoa, hilezkortasunaren sinboloa erromatar kulturarentzat.

Testuaren irakurketa laburdurak osatuz[aldatu | aldatu iturburu kodea]

D(is) M(anibus) / · Veliae Procul/e hic sepulta est / annoru(m) XXX cu/ra parentiu(m)[1][2]

Itzulpena[aldatu | aldatu iturburu kodea]

Velia Procularen man jainkoei (eskainia), 30 urte (zituen), hemen dago ehortzirik, haren gurasoen ahaleginari esker.

Identifikatzaile epigrafikoa[aldatu | aldatu iturburu kodea]

HEp 2003/04, 00657

Oharrak[aldatu | aldatu iturburu kodea]

  1. Erromatarren idazkeran U eta V berdin-berdin idazten ziren.
  2. «HispaniaEpigraphica Online Database - Record Card» eda-bea.es (Noiz kontsultatua: 2020-11-26).

Kanpo estekak[aldatu | aldatu iturburu kodea]