Venasqueko bataiotegia

Venasqueko bataiotegia
	Monumentu historikoa
	Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Proventza-Alpeak-Kosta Urdina
Departamendua	Vaucluse
Frantziako udalerri	Venasque
Koordenatuak	43°59′49″N 5°08′44″E / 43.997°N 5.14554°E
Historia eta erabilera
Izenaren jatorria	Joanes Bataiatzailea
Izena	Joanes Bataiatzailea
Arkitektura
Estiloa	Arte aurre-erromanikoa
Ondarea
Mérimée ID	PA00082204

Venasqueko bataiotegia (frantsesez: Baptistère de Venasque) Merovingiarren garaian, VI. mendean, Vaucluse Frantziako departamenduaren Venasque herrian, Proventza-Alpeak-Kosta Urdina lurraldean, altxatutako bataiotegia da. Garai erromanikoan berreraikia izan zen. 1840tik Monumentu Historikoaren izendapena du.^[1]

Historia

Jatorriz, leku berean, ziur aski, tenplu erromatar bat zegoen. Zeini eskainita ote zegoen ez dago garbi: Diana, Venus edo Merkurio izan zitekeen. VI. mendean bataiotegia eraiki zen. Tradizioaren arabera Lérinsgo monasterioaren San Siffreinek altxatzeko agindua eman zuen. Siffrein Venasqueko apezpikua izan zen.^[2]

Bataiotegiaren funtzioa murgiltzeko bataioa egitea zen: urtean bitan apezpikuak katekumeno helduei egiten zien eta horregatik eraikin handia behar zen.^[3]

Arkitektura

Eraikinak lau abside ditu. Abside bakoitzean garaipenaren arku bat zegoen, bi zutabe monolitiko handiekin helduta; halaber, esfera-laurdeneko ganga dute, bost arkutan helduta, hauek sei zutabe monolitiko txikiagoen gainean jarrita. Lau absideak XI. mendean berreraiki ziren.

Dirudienez, eraikuntzan Erroma garaiko tenpluaren materialak berrerabili ziren. Bataiotegian iturri oktogonala dago.

Hegoaldeko absidean marmolezko aldarea dago eta mendebaldeko absidean material bereko tina. Espezialisten ustez biak olio errota zahar batetik eramanak izan zitezkeen.