Veronica Guerin

Wikipedia, Entziklopedia askea
Jump to navigation Jump to search
Veronica Guerin
Veronica Guerin 1.jpg
Bizitza
Jaiotza Dublin1958ko uztailaren 5a
Herrialdea  Irlandako Errepublika
Heriotza M7 motorway Itzuli1996ko ekainaren 26a (37 urte)
Heriotza modua gizahilketa
Hezkuntza
Heziketa Trinity College
Hizkuntzak Irlandako gaelera
Jarduerak
Jarduerak kontularia, kazetaria, idazlea eta futbolaria
Ibilbidea
Taldeak Urteak J G
 
Posizio edo espezialitatea aurrelaria
Jasotako sariak
IMDb nm0345944

Veronica Guerin (1958ko uztailaren 5a, Dublin - 1996ko ekainaren 26a, Naas Dual Carriageway, Newlands Cross, Dublingo konderria) irlandar kazetari bat izan zen.

Biografia[aldatu | aldatu iturburu kodea]

Sunday Business Post eta Sunday Tribune egunkarietan lan egin ondoren, 1994ean Sunday Independent egunkarian lanean hasi eta irlandar krimen antolatuaren munduko taldeei buruzko ikerketari ekin zion, horretarako ezizenak erabiliz. Bere ikerketen ondorioz irlandar mafia buruzagien heriotz mehatxu ugari jaso zituen, bai bera nahiz bere senideen aurkakoak, batez ere. Bere ikerketen gaien artean Martin Cahill irlandar mafia buruzagiaren heriotza, irlandar mafiaren eta droga trafikoaren arteko loturak (batez ere Gerry "The Monk" Hutch mafiaburuaren taldearenak), bai eta IRAren inguruko ekintzak egon ziren. Guzti honek etsai ugari ekarri zizkion.

1995eko irailaren 13an Guerinek elkarrizketatzen saiatu zen John Gilligan irlandar mafiagizonak jo egin zuen. Gerora, buruzagi berberak Guerini bere semea bahitu eta bortxatuko zuelako mehatxua luzatu zion.

1996ko ekainaren 26an Dublin inguruko autobide bateko bidegurutzean Veronica Guerin bere autoa gidatzen zihoala bere atzetik motoan jarraika zituen bi gizon autoaren parean jarri eta tiroz erail zuten. Ordurako Guerinek irlandar mafiari buruzko liburu bat argitaratzeko asmoa zuen.

Zinema[aldatu | aldatu iturburu kodea]

2003an bere bizitzan oinarritutako Veronica Guerin filma estreinatu zen, irlandar kazetaria Cate Blanchett aktoreak antzeztu zuen.