Zisnearen kantua (Schubert)

Zisnearen kantua (Schubert)
Jatorria
Egilea(k)	Ludwig Rellstab
Ezaugarriak
Genero artistikoa	musika klasikoa
Bestelako lanak
Musikagilea	Franz Schubert

Artikulu hau Schuberten lanari buruzkoa da; beste esanahietarako, ikus «Zisnearen kantua (argipena)».

Zisnearen kantua^[1] (alemanez: Schwanengesang), Franz Schubert konposatzaile austriarraren hilondoko lied sorta bat da. Beste bi zikloetan ez bezala, Andre errotari ederra eta Winterreise, bi autore ezberdinen poemak erabiltzen ditu, Ludwig Rellstab (1799 - 1860) eta Heinrich Heine (1797 - 1856). Bere azken kantuen bilera arbitrarioa da, baina, hala ere, nolabaiteko barne-batasun tematikoa mantentzen du.

Zisnearen kantuak D-957 zenbakia du Deutschen Katalogoan (jatorrian opus zenbakirik gabe argitaratu zen, 1829ko apirilean). Bilduma, honela, bere lehen editoreak titulatu zuen, ziur asko, Schuberten testamentu musikal bezala aurkeztu nahi izateagatik, norbaiten beltxargaren kantua bere azken lana baita.