70 Pine Street

Wikipedia(e)tik
Hona jo: nabigazioa, Bilatu
70 Pine Street
American International Building3.JPG
Udalerria New York, Ameriketako Estatu Batuak
Herrialdea  Ameriketako Estatu Batuak
Koordenatuak 40°42′22″N 74°00′30″W / 40.70611°N 74.00833°W / 40.70611; -74.00833Koordenatuak: 40°42′22″N 74°00′30″W / 40.70611°N 74.00833°W / 40.70611; -74.00833
Garaiera 290 m
Solairuak 66
Helbidea 70 Pine Street
70 Pine Street non dagoen adierazten duen New York-ko/-go/-eko mapa
70 Pine Street
Arkitektoa Clinton and Russell, Holton & George
Egitura ingeniaritza Taylor Fichter Steel Construction
American International eraikina 14 Wall Street eraikinetik ikusia

70 Pine Street (antzina American International Building deitua), New Yorkeko etxe orratz bat da, Manhattanen hegoaldean kokatua; zehazki, Pine Street-eko 70. zenbakian. Eraikinak 66 solairu ditu, eta bere altuera 290 metrokoa da.

Ezaugarriak[aldatu | aldatu iturburu kodea]

Aditu askoren ustez, New York osoko etxe orratzik ederrenetarikoa da, bere dotoretasun eta fintasunarengatik. Nagusiki Art Déco estiloan eraikia dago, nahiz eta bere goialdeak zerikusi handiagoa izan arkitektura gotikoarekin. Oinplano nahiko estua dauka, eta ezaugarri horrek, eraikinaren altuera handiarekin uztartuta, liraintasun guztiz berezi bat ematen dio. Nolanahi ere, eraikina kale oso estuen artean dago kokatuta; horregatik, bere itxuraz osoki jabetu ahal izateko, beharrezkoa da urruti samarreraino joatea, behar adinako perspektiba lortzeko.

Kareharriz estalitako etxe orratz honen alderdirik bereizgarriena bere tontorra da, estilo gotikoaren itxura hartuz orratz zorrotz batean amaitzen dena.

Eraikuntza[aldatu | aldatu iturburu kodea]

Bere eraikuntza 1932an bukatu zen; hots, etxe orratzen arteko norgehiagoka puri-purian zegoenean. Eraikitzen bukatu zenean, munduko hirugarren eraikinik altuena izatera iritsi zen. 1970eko hamarkadara arte, hau da, World Trade Center eraikitzen bukatu zen arte, Manhattaneko Downtown aldeko eraikinik garaiena izan zen. 2001eko irailaren 11tik aurrera, berriro ere hiriko inguru horretako eraikinik altuena izatera pasa zen.

Gaur egun, New Yorkeko bosgarren eraikinik altuena da, honako hauen atzetik: Empire State Building, Bank of America Tower, Chrysler Building eta The New York Times Building.

Eraikin hau aipatzeko, jendeak American International izena erabili ohi du, besterik gabe. Iraganean, Cities Service Company konpainia zen etxe orratzaren jabe, eta eraikinak Cities Service Building zeukan izena. Geroago, konpainia horrek American International Group delakoari saldu zion, eta bertan dauka bere egoitza nagusia. Dena dela, Cities Service-k oraindik ere zenbait bulego dauzka eraikin honetan.

Goiko aldean zerupeko plataforma bat dauka, eta haren gainean, 66. solairuan, beirazko behatoki bat, Downtown-aren gaineko ikuspegirik onena eskaintzen duena, beste inolako eraikinetatik lortzen ez den bezalakoa. Zoritxarrez, behatoki hori, garai batean jendeari irekita egondakoa, eraikinean lanean diharduten pertsonei soilik dago gaur egun irekita.

Dorre honi buruzko beste jakingarri bat aipatzearren, adierazi behar da ezen, jatorriz, bertako igogailuek bi solairu zeuzkatela; horrela, aldi berean erabil zitzaketen bi solairu ezberdinetan zeuden pertsonek. Horren arrazoia da eraikina oso estua dela, eta ez zeukala igogailu askotarako tokirik. Horregatik, igogailuen edukiera handitu beharra zegoen. Eraikina famatua izan zen igogailu berezi horiengatik. Alabaina, luze baino lehen igogailu horiek kendu egin zituzten, jendeak ez zituelako oso gogoko. Hala eta guztiz ere, Citigroup Center eraikinean 1970eko hamarkadaren bukaeran horrelakoxeko igogailuak instalatu ziren.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]


Geografia
Ameriketako Estatu Batuak
Artikulu hau Ameriketako Estatu Batuetako geografiari buruzko zirriborroa da. Wikipedia lagun dezakezu edukia osatuz.
Commonsen badira fitxategi gehiago, gai hau dutenak: 70 Pine Street Aldatu lotura Wikidatan