Alien (filma)
Alien 1979ko Ridley Scott ingeles zinema zuzendariak zuzendutako zientzia-fikziozko eta beldurrezko estatubatuar filma bat da. Filma honetan antzeztu izan zuten aktore nagusiak honako hauek izan ziren: Tom Skerritt , Sigourney Weaver, Veronica Cartwright, Harry Dean Stanton, John Hurt, Ian Holm eta Yaphet Kotto.
H. R. Giger suitzar artistak Alien izakia nahiz filma girotua dagoen kokalekua diseinatu zituen, filmari giro berezi eta beldurgarria eman ziolarik.
Filmak mundu mailan sekulako arrakasta izan zuen, zientzia-fikziozko eta beldurrezko zineman kultuzko filma bilakatu zelarik. Ondoren hainat jarraipen izan ditu: Aliens (1986), Alien 3 (1992) eta Alien Resurrection (1997), gainera Predator filmako izakia eta Alien izakiaren arteko borroka islatzen zuten beste bi filma ere zinemaratu ziren, Alien vs. Predator (2004) eta Aliens vs. Predator: Requiem (2007).
2012ko maiatzaren 30an Alien filmaren aurrekaria den Prometheus filma estreinatu zen.
Argumentua
Nostromo espaziontzia Lurrerako itzulera bidaian doala, eskifaiako zazpi bidaiariak euren loaldotik esnatu egiten dira. Espaziontziko Ama ordenagailu zentralak planeta batetik datorren izaki bizidun ezezagun baten transmisio misteriotsu bat somatu du. Espaziontzia komunikazio horren jatorria ikertzeko asmoz planeta ezezagun hartara zuzenduko da.
Aktoreak
- Bolaji Badejo: Alien izaki estralurtar hilkorra.
- Sigourney Weaver: Ellen Ripley ofizial-ordea.
- Veronica Cartwright: Lambert, espaziontziko laguntzaile nagusia.
- Ian Holm: Ash, ofizial zientzialaria, gerora androide bat dela jakinaraziko da.
- John Hurt: Kane, espaziontziko ofiziala.
- Yaphet Kotto: Parker, ingeniari nagusia.
- Tom Skerritt: Dallas, Nostromo espaziontziko kapitaina.
- Harry Dean Stanton: Brett, ingeniari teknikoa.
Kanpo loturak
Wikimedia Commonsen badira fitxategi gehiago, gai hau dutenak: Alien (filma) |
- Alien filmaren IMDBko fitxa irakurgai. (Ingelesez)