Amezti.eus

Fitxategi:Amezti logoa.png

Amezti aldizkariaren logoa Hizkuntza: Euskara Egoitza: Basaburua Koordinatzaileak: Itziar Perez Argomaniz eta Lur Gil Rey Kanpo Loturak: https://amezti.eus/

Amezti.eus Nafarroa garaiko euskarazko Ultzamaldeko aldizkari digitala da  Ametza Kultur elkarteak kudeatzen duena Esan Erran irratia eta Pulunpe aldizkariarekin batera. Aldizkariak Basaburuan du bere egoitza eta bertan Basaburua, Ultzama, Anue, Atetz, Imotz, Lantz eta Odieta herrietako berriak egunero argitaratzen dira. Aldizkariaren koordinatzaileak Itziar Perez Argomaniz eta Lur Gil Rey dira.

Aldizkariak eskaintzen duen informazioa orotarikoa da eta bere ildo ideologikoa euskaltzale ezkertiarra da. Aldizkariak Ultzamaldeko eta Basaburuako zonaldeko herrietako edukia eta informazioa eskaintzen du. Beraz, herri horietako jendearentzat zuzenduta dago batez ere, baina edonor webgunean sartu eta edukiak ikus ditzake. Amezti.eus aldizkariak berriak gai hauen arabera sailkatzen eta argitaratzen ditu: Gizartea, Hezkuntza, Ingurumena, Kirola, Kultura, Nekazaritza, Osasuna, Politika eta Udalak. Gai bakoitzean eskaintzen duten informazioa Ultzamalde eta Basaburuako zonaldekoa da.

Amezti.eus Tokikom sozietate mugatuaren bazkide da.

Atalak

Berriez gain, aldizkariak zazpi atal ditu irakurleei zuzenduak. Batzuk informazioan zentratuta daude eta beste batzuk kontsumitzaileei zuzenduak dira.

Agenda

Atal honetan zonaldean programatuta dauden ekitaldiei buruzko informazioa eskaintzen dute, esaterako aurkezpenak, azokak, hitzaldiak, mendi martxak, proiekzioak eta tailerrak.

Argazki-galeriak

Atal honetan berrietan publikatzen dituzten eta ekitaldietan ateratzen dituzten argazkiak ikusgai daude.

Bideoak

Honetan berriei buruzko bideoak eta ekitaldiei buruzko bideoak ikusgai daude baina horretaz aparte ere bideo musikalak eta umorezko bideoak ikusi daitezke.

Zorion-agurrak

Atal honetan, kontsumitzaileek webgunean kontu bat sortuz gero bere lagunak edo familia-kideak zoriontzeko aukera dute. Hiru azpiatal ditu atal honek: Jaiotzak, ezkontzak eta urtebetetzeak.

Sailkatuak

Atal hau eskualdeko biztanleentzako salmenta-gune gisa eskaintzen da, pisuak, autoak edota lursailak saltzeko.

Kanpo estekak

• https://basaburua.eus/helbideak/amezti/
• https://tokikom.eus/bazkideak/
• https://amezti.eus/

• Datuak: Q109331720