Anue

Anue
Nafarroa
Izen ofiziala	Anue
Estatua Erkidegoa Merindadea Eskualdea	Espainia Nafarroako Foru Erkidegoa Iruñeko merindadea Ultzamaldea
Alkatea	Raúl Pascal Egozkue (Zuriain-Anue, indep.)
Herritarra	anuetar
Koordenatuak	42°57′45″N 1°36′22″W
Eremua	61,40 km2
Garaiera	542 m
Distantzia	20,6 km Iruñera
Posta kodea	31xxx
Biztanleria	455 bizt. (2012)
Dentsitatea	7,41 bizt./km²

Anue Nafarroako udalerria da. Ondoko herriek osatzen dute Anueko udala: Aritzu, Burutain, Egozkue, Etsain, Etulain, Leazkue eta Olague, baita Etxaide etxagunea ere. Lehen, Lantz ere Anue udalekoa zen, baina egun bere udala osatu du. Gainera, antzina bazeuden etxagune gehiago, gaur egun hustuak direnak: Adorraga, Aizoz, Atoz, Ezkati, Iausketa eta Lodias.

Iruñerriko Mankomunitatea zaborra biltzeaz eta ur-hornidura eta bestelako zerbitzuak eskaintzeaz arduratzen da, Iruñea inguruko gune metropolitarreko beste hainbat herritan bezala.

Inguru naturala eta kokapena

Anue Iruñeko merindadearen ipar-ekialdean dago, Zangozako merindadearen mugaren ondoan. N-121A errepideak udalerriko kontzejurik garrantzitsuena (Olague) zeharkatzen du

Iparraldean Baztanekin egiten du muga; Esteribarrekin ekialdean; Lantz, Ultzama eta Odietarekin mendebaldean; eta Olaibarrekin hegoaldean.

Klima

Anuen, itsasoaren mailatik 549 metrora, Nafarroako gobernuak 1975ean jarritako estazio meteorologikoa dago.

Demografia

Anueko biztanleria

1897	1900	1910	1920	1930	1940	1950	1960	1970	1981	1991	2001	2006
1.128	1.180	1.277	1.242	1.130	1.018	893	756	575	466	431	410	388

2008ko erroldaren arabera, hamar etorkin bizi ziren herrian, biztanleriaren %2,56 (Nafarroako batezbestekoaren azpitik).

Politika

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Raúl Pascal Egozkue	Zuriain-Anue
2011-	Raúl Pascal Egozkue	Zuriain-Anue

Udal hauteskundeak

Anueko alkatea "Zuriain-Anue" herritar taldeko Raul Pascal Egozkue da 2007ko udal hauteskundeez geroztik. Udaleko zazpi zinegotziak lortu zituen bere taldeak. Baliogabeko botoak 68 izan ziren (emandako guztien %29,06) eta boto zuriak lau (%2,41). Abstentzioa %34,64koa izan zen.

Anueko Udala (2007)

Alderdia	Botoak	Zinegotziak
Zuriain-Anue (ZA)	162	7

2011n zerrenda bera izan zen aurkeztu zen bakarra; 103 boto, 7 hautetsi eta alkatetza (Pascal) lortu zituen.

Udaletxea

Udaletxea Olaguen dago, udalerriko herriburuan. Harrizko eraikin honek inguruko etxeen antz handia dauka eta Irun eta Iruñea bitarteko N-121A errepidearen ondoan dago. Beheko solairua eta honen gainean eraikitako beste bi solairu dauzka. 1980ko hamarkadaren amaierako berrikuntza lanek 16,4 milioi euroko kostua izan zuten.

Udalak alkatea eta sei zinegotzi dauzka, eta bertako idazkariak Lantzen ere egiten du lan.

• HELBIDEA: Donibane kalea z/g (Olague)

Azpiegitura eta garraioak

La Burundesa autobus konpainiaren Donostia eta Iruñea bitarteko lineak geltokia dauka Anueko Olague kontzejuan. Maiztasunak aldakorrak dira, baina gutxienez bi zerbitzu izaten dira norabide bakoitzean egunero. Lineak honako ibilbide hau egiten du:

• Donostia - Irun - Lesaka - Etxalar - Igantzi - Sunbilla - Doneztebe - Narbarte - Belate - Almandoz - Olague - Ostitz - Sorauren eta Iruñea

Bibliografia

• Jose Maria Jimeno Jurio (zuzendaria), Nafarroako toponimia eta mapagintza. XLII, Iruñea, 1997. ISBN 84-235-1138-3

Zerbitzuak

Anue "Ultzamako Zerbitzu Sozialen Mankomunitateko" kidea da.

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Anueri buruzko informazioa Nafarroako gobernuaren webgunean.
• Anuen dagoen Egozkue kontzejuko San Migel kalearen ikuspegia Google Street View-n.