Lantz

Wikipedia(e)tik
Hona jo: nabigazioa, Bilatu

Lantz

 Nafarroa Garaia
Lanzko bandera

Lanzko armarria

Izen ofiziala Lantz
Estatua
Erkidegoa
Merindadea
Eskualdea
Espainia
Nafarroako Foru Erkidegoa
Iruñeko merindadea
Ultzamaldea
Alkatea David Mariñelarena Saralegi
(AML, indep.)
Herritarra lanztar
Koordenatuak 42°59′56″N 1°37′10″W / 42.99889°N 1.61944°W / 42.99889; -1.61944Koordenatuak: 42°59′56″N 1°37′10″W / 42.99889°N 1.61944°W / 42.99889; -1.61944

[[Fitxategi:|300px]]

Eremua 16,78 km2
Garaiera 629 m
Distantzia 25 km Iruñera
Posta kodea 31798
Biztanleria 140 bizt. (2012)
Dentsitatea 8,34 bizt./km²

Lantz[1] Nafarroako udalerria da. Iruñeko merindadeko herri honek 140 biztanle zituen 2012ko urtarrilaren 1eko erroldaren arabera. Iruñea hiriburutik 25 kilometrora dago. Iruñerriko Mankomunitatea, zaborra bildu, ur-hornidura eta bestelako zerbitzuak eskaintzeaz arduratzen da, Iruñea inguruko gune metropolitarreko beste hainbat herritan bezala.

Inguru naturala eta kokapena[aldatu | aldatu iturburu kodea]

Herria Nafarroa iparraldean kokatzen da, NA-7200 errepidean, Santsol-Esprontzeda norabidean.

Lantzek Baztanekin egiten du muga iparraldean, Anuerekin ekialdean, Ultzamarekin mendebaldean, eta Anue eta Ultzamarekin hegoaldean.

Demografia[aldatu | aldatu iturburu kodea]

Lanzko biztanleria
1897 1900 1910 1920 1930 1940 1950 1960 1970 1981 1991 2001 2006
318 329 359 359 314 303 275 224 163 146 112 121 115

2008ko erroldaren arabera, ez da etorkinik bizi Lantzen.

Lantzeko inauteriak[aldatu | aldatu iturburu kodea]

Sakontzeko, irakurri: «Lantzeko inauteria»
Miel Otxin.

Nafarroako eta Euskal Herriko inauteririk ezagunenak dira. Tradiziozko ospakizun hau hautsegunaren aurreko egunetan ospatzen da. Gaua iristean, herriko kaleak, pertsonaia askotarikoen jantziak daramatzaten herritarrez betetzen dira. Herritarrek Miel Otxin lapurra harrapatu beharra dute. Pertsonaien artean honakoak nabarmentzen dira:

  • Miel Otxin: Espiritu txarrak itxuratzen dituen lapur gaiztoa da. Astelehenean atzeman ostean, herriko kaleetan zehar pasearazten dute, txistu eta danbor danbolin soinua lagun dutela. Asteartean, goizeko paseo baten ondoren, exekutatu eta sutan erretzen dute, herritarrek inguruan zortziko bat dantzatzen duten bitartean.
  • Ziripot: Belarrez betetako zakuz jantzintako pertsonaia lodia da. Kaleetan zehar dabilen bitartean Zaldiko izeneko pertsonaiak lurrera botatzen du beti.
  • Zaldiko: Irritsu eta saltoka, gizakiaren eta zaldiaren arteko nahastea da. Gerrian zaldi bat daramala, Ziripot lurrera botatzea du helburu.
  • Arotzak: Zaldikori ferrak jartzeko ardura dute.
  • Txatxoak: Lanzko biztanleria antzezten dute, eta animalien azalez eta arropa zaharrez janzten dira.

Politika[aldatu | aldatu iturburu kodea]

Udal hauteskundeak[aldatu | aldatu iturburu kodea]

Lanzko alkatea Agrupación Mixta de Lantz (AML) herri ekimeneko David Mariñelarena Saralegi da 2007ko udal hauteskundeez geroztik. Hauteskundeetara bi talde aurkeztu ziren, baina AMLk lortu zituen hautetsi guztiak. Zuri emandako boto 1 izan zen (emandako boto guztien %0,99). Eta baliogabeko botoak 2 izan ziren (emandako botoen %1,94)

Lanzko Udala-2007
Alderdia Botoak Aukeratua?
David Mariñelarena Saralegi (AML) 56 Bai
Jesus Maria Astitz Zia (AML) 56 Bai
Juan Miguel Eugi Ziga (AML) 49 Bai
Oscar Ziganda Etxenike (AML) 48 Bai
Maria Teresa Olague Ollobarren (AML) 47 Bai

2011n Agrupación Mixta de Lantz (AML) izan zen zerrenda bakarra eta Mariñelarenak kargua berretsi zuen[2].

Udaletxea[aldatu | aldatu iturburu kodea]

Udaletxea elizaren ondoan dagoen harrizko eraikuntza da, bi solairu dauzka eta XX. mendearen amaieran hainbat berrikuntza egin zitzaizkion egiturari (Nafarroako gobernuak diruz lagundu zituen lanak). Antzinako egoitza eskolen eraikinean egon zen.

  • HELBIDEA: Gurutze Santua kalea, z/g

Alkateak[aldatu | aldatu iturburu kodea]

Alkateen zerrenda
1979-1983
1983-1987
1987-1991
1991-1995
1995-1999
1999-2003
2003-2007
2007-2011 David Mariñelarena Saralegi AML
2011- David Mariñelarena Saralegi AML

Zerbitzuak[aldatu | aldatu iturburu kodea]

Lantz "Ultzamako Zerbitzu Sozialen Mankomunitateko" kidea da.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Lantz
Portal.svg
Wikipedian atari bat dago honi buruz:
Euskal Herriko Wikiatlasa