Atetz

Atetz
Nafarroa
Izen ofiziala	Atez
Estatua Erkidegoa Merindadea Eskualdea	Espainia Nafarroako Foru Erkidegoa Iruñeko merindadea Ultzamaldea
Alkatea	Francisco Javier Nuin Ibero (Atezko Herria, indep.)
Herritarra	ateztar
Koordenatuak	42°56′22″N 1°42′35″W
Eremua	26,40 km2
Garaiera	572 m
Distantzia	19 km Iruñera
Posta kodea	31867
Biztanleria	243 bizt. (2012)
Dentsitatea	9,2 bizt./km²

Atetz Nafarroako udalerria da. Nafarroako udalerritik 19 kilometrora kokatzen da eta 2012ko urtarrilaren 1eko erroldaren arabera 243 biztanle ditu.

Iruñerriko Mankomunitatea, zaborra bildu, ur-hornidura eta bestelako zerbitzuak eskaintzeaz arduratzen da, Iruñea inguruko gune metropolitarreko beste hainbat herritan bezala.

Inguru naturala eta kokapena

Atetz 1957. urtean, Indalecio Ojangurenen argazkia.

Atetz Iruñeko merindadearen iparraldean dago. Herriak, Ultzamarekin egiten du muga iparraldean, Imotzekin mendebaldean, Txulapainekin hegoaldean, eta Odieta udalerriarekin ekialdean.

Klima eta landaredia

Klima azpiatlantiar motakoa da, baina ohikoa baino hezeagoa (1.600mm baino euri gehiago batu daiteke urte batean batez beste). Tenperaturak 8 eta 10 gradu bitartekoak dira, uda epelak eta neguak hotzak direla. Urteroko egun euritsuak 120 eta 140 bitarte dira.

Udalerriaren jatorrizko zuhaitzak haritzak eta pagoak ziren. Haritzak herrigunean eta behealdeko ibarretan zeuden, eta gunerik menditsuenetan pagoak. Gizakiaren eragina dela eta, asko gutxitu zen zuhaitz horien azalera, eta gaur egun ugariagoak dira birlandaturiko pinu lariziar (Pinus nigra) eta alertzeak.

Herriak

Sei herrik osatzen dute Atetz: Aroztegi, Beuntza, Beratsain, Eguarats, Eritze eta Ziganda. Horrez gain, 5 etxagune ere baditu: Amalain (1857ko errolda arte udala izan zuena), Beuntza-Larrea, Egillor, Hiriberri eta Labaso.

Demografia

Atezko biztanleria

1897	1900	1910	1920	1930	1940	1950	1960	1970	1981	1991	2001	2006
635	674	688	635	627	617	601	487	265	199	194	232	246

2008ko erroldaren arabera, bederatzi etorkin bizi ziren herrian, biztanleriaren %3,67 (Nafarroako batezbestekoaren azpitik).

Politika

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Miren Egozkue Goldaratz	Hemengoak
2011-		Atezko Herria

Udal hauteskundeak

2007an Hemengoak (4 zinegotzi) herri ekimeneko Miren Egozkue Goldaratz atera zen Atezko alkate. Atezko Herriak zinegotzi bakarra lortu zuen. 4 boto zuri izan ziren (botoen %2,25). Abstentzioa %24,26koa izan zen.

Atezko Udala (2007)

Alderdia	Botoak	Aukeratua?
Miren Egozkue Goldaratz (Hemengoak)	92	Bai
Jose Miguel Lopez Lista (Hemengoak)	89	Bai
Jose Aginaga Aldaregia (Hemengoak)	88	Bai
Gurutze Santxo Gaskue (Atezko Herria)	83	Bai
Maria Carmen Ziganda Ibarrola (Hemengoak)	79	Bai

2011n hiru zerrenda aurkeztu ziren eta egoera aldatu egin zen. Atezko Herriak 4 zinegotzi, Hemengoak zerrendak bakarra eta Agrupación Independiente Valle de Atez izenekoak bat ere ez.

Udaletxea

• HELBIDEA: San Migel Kalea, 1 (Eritze kontzejua)

Azpiegitura eta garraioak

La Burundesa autobus konpainiaren Sakanako herriak elkartzen dituen Gasteiz-Iruñea lineak geltokia dauka Atezko Eritze kontzejuan. Guztira hiru zerbitzu izaten dira norabide bakoitzean. Linearen ibilbidea honakoa da:

• Gasteiz - Ilarratza - Argomaiz - Agurain - Munain - San Roman - Ibarguren - Andoin - Olatzagutia - Ziordia - Altsasu - Urdiain - Iturmendi - Bakaiku - Etxarri Aranatz - Arbizu - Lakuntza - Arruazu - Uharte Arakil - Irañeta - Ihabar - Hiriberri - Etxarren - Irurtzun - Eritze - Saratsa - Añezkar - Berriobeiti eta Iruñea

Ikus, gainera

• Nafarroako udalerrien zerrenda

Bibliografia

• Jose Maria Jimeno Jurio (zuzendaria), Nafarroako toponimia eta mapagintza. L, Iruñea, 1998. ISBN 84-235-1138-3

= Erreferentziak

Kanpo loturak

• (Gaztelaniaz) Atezi buruzko informazioa Nafarroako gobernuaren webgunean.
• San Migel kalearen ikuspegia Google Street View-n.