André Previn
André Previn 2012an | ||
Datu pertsonalak | ||
---|---|---|
Jaio | 1929ko apirilaren 6a | |
Berlin (Weimarko Errepublika) |
André Previn, jaiotza izena Andreas Ludwig Priwin (Berlin, 1929ko apirilaren 6a), alemaniar musikagile, pianista eta orkestra zuzendaria da. Alemanian jaioa, Ameriketako Estatu Batuetako herritartasuna du, bere familiak (judua izaki) Alemania Nazitik herrialde hartara ihes egin baitzuen 1939an.
Bizitza
Berlingo eta Parisko kontserbatorioetan ikasi ondoren, pianista- eta orkestratzaile-lanetan hasi zen. 1951n, orkestra-zuzendaritzako ikasketak egin zituen Pierre Monteuxekin San Frantziskon eta, gero, zuzendari-aurkezpena egin zuen Saint Louisen. Zuzendari-lanetan aritu izan da orkestra askotan. Houstongo orkestra sinfonikoan (1967-1970), Londresko orkestra sinfonikoan (1969-1979); Pittsburgheko orkestra sinfonikoan (1976-1984); Londresko orkestra filarmonikoan (1985-1986); eta Los Angelesko orkestra filarmonikoan (1984) jo zuen. Sinfonia bat, kontzertuak, ganbera-musika eta abestiak idatzi ditu.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.