Antzara hankagorrizta

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Antzara hankagorrizta
Status iucn3.1 LC eu.svg

Iraute egoera: Arrisku Txikia
Antzara hankagorrizta
Antzara hankagorrizta


Sailkapen zientifikoa
Erreinua: Animalia
Filuma: Chordata
Klasea: Aves
Ordena: Anseriformes
Familia: Anatidae
Generoa: Anser
Espeziea: A. anser
Izen binomiala
'Anser anser'
Linnaeus, 1758

Antzara hankagorrizta (Anser anser) Anatidae familiaren ahate domestiko eta ez-domestikoa da, Anser generoan arruntena dena[1].

75-90 cm garai da eta Europako antzara handiena da. Antzara Hanka hori urria baino handixeagoa besterik ez bada ere. Azken horrengandik bereizten duena itxura orokor argiagoa eta sendoagoa da. Bi sexuen lumajea gris nabarra da, bizkarrean ilunagoa eta uzki aldea erabat zuria. Txatal gris nabariak ditu hegoen gainaldean. Mendebaldeko Europan gehien den subespezieak laranja-koloreko moko eta hankak ditu. Oso zaratatsua da eta migrazioko taldeak, askotan “V” forma eratuz doazenak, maiz entzumenaz detektatzen dira ikusmenaz baino lehenago. Eurasian oso zabaldutako espeziea da.7 urteko bizi iraupeneko animalia da. Dauden bi subespezieetatik, argi eta garbi urritzen ari den ekialdekoa baino askoz ere ugariagoa da mendebaldekoa. Hainbat tamainatako ur-masen inguruan habia egiten du, eta ez dio axolarik ura geza, gazia edo gazikara izan, baina betiere oso zona irekia izan behar du. Batez ere landareak (bai ur azpikoak eta bai lehorreko gramineoak) jaten ditu, baina ornogabe txikiak ez ditu bazter uzten. Urdaibain ugaria da eztei ondoko migrazioan eta batzuetan negua igarotzeko talde txikia (bi dozena baino gehiago ez) geratzen da. Anbeko polderrean ibiltzen dira, baina askotan, gizakiek eragindako eragozpenak direla eta, San Kristobalera edo Kanalera joaten dira. Belarrez elikatzen da gehienen bat eta zuloak egiten ditu lurrean sustraien bila.

Lehen saldoak urrian azaltzen dira, baina migrazioko goi-maila azaroan izaten da. Negua igarotzen duten aleak abenduan iristen dira eta otsaila edo martxoa arte egoten dira; sasoi horretan eztei aurreko migrazioa ozta-ozta nabaritzen da

Taxonomia[aldatu | aldatu iturburu kodea]

Espezieak hiru azpiespezie ditu:

  • Anser anser anser Mendebaldeko antzara hankagorrizta   (Linnaeus, 1758)
  • Anser anser rubrirostris Ekialdeko antzara hankagorrizta
  • Anser anser domesticus Etxekotutako antzara   (Linnaeus, 1758)

Galeria[aldatu | aldatu iturburu kodea]

Erreferentziak[aldatu | aldatu iturburu kodea]

  1.   Lorenz, Konrad Z.; Martys, Michael; Tipler, Angelika (1991), Here Am I—Where Are You? The Behavior of the Greylag Goose, Orlando: Harcourt Brace Jovanovich, ISBN 0-15-140046-3 .


Commons-logo.svg
Commonsen fitxategi gehiago dago honi buruz:
Antzara hankagorrizta
Wikispezieetan informazioa gehiago aurki dezakezu: Anser_anser


Biologia Artikulu hau biologiari buruzko zirriborroa da. Wikipedia lagun dezakezu edukia osatuz.